7個月大啦

彤彤7個月大啦!!!!

咁快又一個月啦....

呢個月真係過得好快而又好開心...

因為我地去過左一個好開心既半歲party呀!!

見到好多bb...

大家都係0809 bb黎呀...

幫彤彤識左好多新既朋友仔呀!!!

好啦.. 報告一下彤彤呢個月既近況先....

一般情況:

體重:  7.2kg

身長: 66.6cm

頭圍:  42.3 cm

都算ok啦.. 你細碼bb...

出左兩仔牙仔...

食野情況:

又變番一日5餐啦...

有3餐奶奶, 兩餐粥仔...

8:00am - 早餐 - 奶奶

12:00nn - 午餐 - 粥仔 (已經試過魚,豬肉,雞肉,菜菜,紅蘿蔔,蕃薯,節瓜)

3:00pm - 下午茶 - 奶奶,餅餅,水果

6:00pm - 晚餐 - 粥仔

9:30pm - 消夜 - 奶奶

自從出左牙仔後,

佢食野好左D啦...

希望佢繼續努力啦...

片片:

都係重用緊M size...

宜家訓練緊佢用左痰罐...

每日都同佢坐幾次痰罐...

佢真係可以係痰罐去到尿尿&屎屎呀...

屎屎多數係早上去既....

有時冇同佢坐痰罐,

佢在片片大左後會立即大叫...

可能因為習慣左啦...

希望佢真係有意識,識得去Toliet啦...

學野方面

~ 重同佢玩緊flash card, 不過有d唔專心啦.. 希望佢乖d留心聽下`書啦...

~ 日日都會坐痰罐, 屎屎多數係痰罐道,都算ok啦..

~ 已經識爬啦... 最近就學習緊狗仔式爬行方法, 不過重未識運用膝蓋去爬...

~ 學習食固體食物- 粥仔, 餅餅, 水果

~ 教緊佢一d簡單既手語 eg.  bye bye,  點蟲蟲等 

~ 好鍾意同小朋友玩亦好爛玩

瞓覺情況

~ 仍然係自己瞓覺, 不過好八掛...八掛情度係好眼瞓都唔肯瞓 or 瞓左隻手仔都不停係道玩...

~ 上午同埋下午都瞓少左, 不過晚上早瞓左...

Overall

睇番party d slide 才知道原來彤彤呢7個月黎既轉變好大呀!!!

女大十八變真係冇錯!!!

彤彤呢個月既發展都算OK啦...

不過佢真係冇時停!!　因為咁, 爸爸特登去問醫生彤彤係咪有過度活躍... 醫生話宜家睇唔倒呀,要大個D先知呀!!

希望冇啦!!!　

不過彤彤比起其他同期既BB真係naughty好多呀...

彤彤你真係要乖D呀!!!　

　

6個月打針@私家醫生

今日帶左彤彤去醫生道打埋6個月大既最後一支針呀!!!

打完呢支就一歲之後先要去打針啦!!!

因為今日唔係星期六,

所以唔算多人...

我地book左11:00am,

不過10:30am 到左,

因為好怕要等好耐呀!!!

一去到就要磅豬仔啦...

彤彤既體重: 7.2 kg,   長度:      頭圍: 

都算ok啦...

到左打針時間啦...

醫生傾緊電話,

彤彤係道玩....

一D驚既現象都冇...

到在一針拮落去彤彤道佢都冇喊喎,

但按d藥落去時佢就叫啦...

大家睇下video先...

不過當醫生比件玩具佢玩時,

佢立即收晒聲...

重係冇眼淚既...

我懷疑緊其實係咪唔痛呢,

定係彤彤d皮好un 呀, 點解冇眼淚呀???

平時如果我地唔同佢玩時...

唔洗一分鐘d大大粒既眼淚好快出黎...

爬爬爬

彤彤終於識爬啦....

不過佢都唔係太識利用個對腳&手...

佢爬倒好怪,

好似人地d police爬係地下咁...

好攪笑呀!!!

不過佢識左爬就煩啦..

因為彤彤真係好八掛,

乜都去攪下架!!!

佢最意就係去摸錄影機同埋dvd機啦...

成日走去"禁"d制...

彤彤.. 你唔好咁玩呀..

會嚇親你爸爸呀!!!

除左玩機,

彤彤都好鍾意爬入廚房

因為張地毯冇圍欄...

所以我地要自制圍欄黎欄住去等佢唔可以走出佢既活動範圍!!!

有冇人知道係邊道有呢d圍欄賣呀???

11個月大啦!!!

十一個月大啦.. 十一個月大啦..  

重有一個月就1歲啦!!! 

時間真係好快呀!

咁11個月大既彤彤又點呀??

一般情況:

體重:  ??磅 

身長: 70cm (用拉尺度) (矮... 鬼叫媽媽爸爸都唔係高人...)

牙仔:  上4, 下2 ... (好似吽緊大牙, 因為口水長流同埋不停咬野)

食野情況:

3餐奶奶 - 200ml - 240ml 

2餐粥仔- 豬肉, 魚魚, 菜菜, 紅蘿蔔, 薯仔, 蕃茄, 蕃薯, 田雞 ....

1餐粉粉 - udon, 字母粉, 貝殼粉, 通粉

水果 -  蘋果, 西瓜, 木瓜, strawberry, banana, 梨

其他 - 餅餅, yogut, 包包, cheese ....

宜家d飯仔煮得杰番d, 唔知係咪咁, 食粥仔既時候食得慢左呀! 同埋好鍾意含住d粥係口中!!!

不過我比d白飯佢食又食得好快喎...

我諗佢只係唔鍾意食自己d野食啦!!

好鍾意食水果, 不過唔太鍾意食菜菜...　(試過比條菜菜佢自己食, 佢掉左)

作息時間表:

7:30am - 7:45am:  起身, 食奶奶 之後玩玩玩

8:30am - 9:30am: toliet training  , 玩玩玩

9:30am - 10:30am: 洗白白, 食morning tea

10:30am - 12:30pm:  morning nap

12:30pm - 1:00pm:  食粥仔

1:00pm - 3:00pm:  玩玩玩, afternoon tea

3:30pm - 6:00pm:  afternoon nap

6:00pm - 6:30pm: 食粥仔

6:30pm - 9:00pm: 玩玩玩, 食snack

9:30pm - 飲奶奶, 瞓覺覺豬

瞓覺情況:

Morning nap 一定瞓, 不過 afternoon nap 有時唔肯瞓...

好d 啦!!!!  試過有幾晚可以一覺到6:00am先叫, 然後要奶咀!!

彤彤係要努力呀, 因為你瞓得好媽媽先會有覺好瞓架!!!

學野情況:

~  toliet training, poo poo ok, 不過 wee wee 真係差d.. 有時坐左好耐都唔肯去.. 一起身就賴啦...  冇耐性.. 但重未會同我地表達佢想去啦...

~  企...  可以唔洗扶住野自己企倒起身啦!!

~ 行... 自己扶住野起左身後會扶野行來行去

~  爬 ...  爬得好快 

~  識得拍手, byebye, 點蟲蟲, 錫錫, 扮瞓覺, hi,  講喂喂識放隻手係耳仔邊扮聽電話...不過當然唔係一叫就做啦... 要睇心情!! 

~  鍾意聽歌仔同埋睇廣告.. 聽到音樂好開心, 拍晒手, 同埋un 下 un 下...

~ 上playgroup時, 開始冇時定啦.. 成日要爬出去.....

~  見到小朋友, 好想同小朋友玩, 但同人玩時又太熱情嚇怕左其他bb...

~  未會講野... 幾時先識叫媽媽/爸爸/poo poo 呀???

~  總結來說, 學野唔係好專心呀!!!

片片:

仍然係M 碼...

在家用片, 出街用學習褲, 因為太好動啦... 

Overall

睇彤彤呢個月既行為真係大個左好多!!!

見到佢同豬瑤雞玩時好似一班細路仔咁...

大家開始有交流...

基本上發展同埋成長都算ok...

細細粒, 仍然係一個細碼bb..  

笑多左, 又naughty多左...

見到好多bb都識做好多動作, 彤彤都唔肯去做..

其實知佢識架.. 不過佢要好心情先會做下啦..

真係唔可以咁架..

希望彤彤可以合作d啦....

如果唔合作真係考唔倒幼稚園架!!!

BB展 + 爬行比賽

B。茶聚

上完playgroup我地匆匆咁離開,

因為我地約左豬家同埋呆家lunch呀!!!

我地去到先, 咁我地好快咁餵左彤彤食粥仔先..

因為有其他人左, 彤彤可能又分心架啦!!!

食飽飽後豬家到啦!!!

彤彤認得豬豬呀.. 一見到豬豬就同豬豬Say hi...

豬豬好c文呀!!! 彤彤真係要學下啦!!!

等左一陣, 呆家到啦...

呆家遲左因為要等Lincoln起身呀!!!

Lincoln真係好乖呀.. 坐係highchair食粥粥唔會爬黎爬去架!!!

而豬豬就好咁乖咁食餅餅...

呢兩個真係好襯呀.. 大家都好乖好定!!!

等Lincoln食飽飽後3個bb一起交流下先....

豬豬同彤彤都好似對Lincoln個頭好有興趣喎...

成日摸住佢個頭仔!!!  梗係好like佢個新髮型啦!!

睇下左擁右抱既Lincoln笑到眼仔都矇埋啦!!!

食飽飽, 大家就係商場指定動作-影番張相先...

Lincoln又施展左擁右抱既本色拖住兩架車仔!!!

係咪好唔捨得呀??!!

唔緊要啦..  我地下次要一起玩過啦!!!