2016年11月29日 星期二

又一城 x CHALKapella 聖誕親子工作坊

一年一度既聖誕節又到啦..
大家一定係去唔同既商場影聖誕佈置啦!!
我地都係呀... 秘密花園
而每年我地一定會去既就係又一城啦..
又一城既聖誕樹係最高架, 有成21米呀...
而且每年既佈置都會有驚喜呀!!!


今年既主題係 Christmas Secret Garden 呀...
係由國際級既插畫天后 Johanna Basford 設計架..
而 Johanna Basford 既作品包括秘密花園, 魔法森林, Johanna's Christmas...



今年有幸得PR 姐姐邀請我地參加又一城 x CHALKapella 聖誕親子工作坊,
可以比我地近距離係呢個聖誕秘密花園影相!!!


除左 大聖誕樹呢個位, Johanna Basford 重係佢既作品選出左另外5大插圖!!
呢個3D既聖誕秘密花園將令又一城生色不少....



一個展覽既位置都會有 Johanna Basford手稿架..
一張圖畫變成一個3D既聖誕秘密花園.. 真係好AMAZING呀!!!


重有VR 體驗呀!!




呢一日除左睇聖誕佈置之外我地參加左又一城 x CHALKapella 聖誕親子工作坊...


CHALKapella 係一間致力推動藝術創作融入生活理念既品牌...
佢地既創辦人Ms Lilian Lo 係來自馬來西亞,
佢醉心於珠寶設計, 而對藝術有份熱誠.


佢 創新左 CHALK-A-Tee , 比大人同小朋友可以係件Tee上面用粉筆塗鴉...
令到大家每次著呢件Tee時都可以有唔同既味道...



而Chalk  Crayon係特製既 粉筆..
佢唔會有到畫粉出粉出黎架...
同時只要用清水一抹就可以重覆使用...
又環保又好玩...


Ms Lilian Lo 重有即場教小朋友點樣去畫呀!!!
同埋點樣用幾隻顏色溝多幾隻色....


C&C都好用心去畫呀!!
而且都圖畫得唔錯呀!!!



大家既作品都好靚呀!!!
之後重同聖誕老人一起影相呀!!!



宜家係又一城重會有CHALKapella既期限 Pop Up Store...
CHALKapella呢個品牌既宗旨係 "CHALK FOR A GOOD CAUSE"  - 以善好使命...
佢地已經係社會上送左好多溫暖同埋祝福比好多機構啦...



今次黎到香港, CHALKapella將會同 高錕慈善基金合作...
於11月期間, 大家要只要"LIKE" CHALKapella既 Hong Kong Facebook專一頁同埋 follow 佢地既IG, 每一個 LIKE/ FOLLOW 就會送出一件 CHALK-A-Tee 比高錕慈善基金啦!!
呢個活動好有意義呀.. 可以比到患者同埋佢地既家人有支持同埋鼓勵...



而由 宜家到 2017年1月2 日, Pop Up Store亦都會有 CHALK-A-Tee 發售...
每賣出一件,  CHALK-A-Tee 將會捐出$10比高錕慈善基金!!!

適逄聖誕節, 送CHALK-A-Tee做聖誕節禮物就最好不過啦!!!
有可以做善事, 又有得玩, 又有得著...
TEE 既設計又可以成日轉.. 真係永遠都可以保持新鮮感呀!!!


宜家黎又一城消費重同埋或者參加 填色比賽嬴取豐富禮品呀!!!!
捐$80重可以同聖誕老人影相呀!!
大家快D黎又一城SHOPPING!!!

最後多謝PR 姐姐邀請我地來參加左呢個咁有意義既活動!!




-------------------------------------------------


大家可以 like埋我地 facebook page 咁就可以緊貼我地架!! 



CCML BLOG 都會出現係呢幾個地方:


http://weshare.hk/piyobaby

http://www.mybb.com.hk/home.php?mod=space&uid=10582&do=blog&view=me

2016年11月24日 星期四

【異想推介】The World of Tim Burton

媽媽我好鍾意 Tim Burton ..
學生年代既時候好鍾意睇佢既戲...
Nightmare before Christmas, Corpse Bride, Edward Scissors Hand 等等...
好鍾意佢create出黎既異想世界...
一切都係古古怪怪...

終於... 等到佢黎香港有個巡回展覽啦 !!

地點係太古坊...

本來我係安排左時間去潮拜一下架...
唉... 不過... 次次都係安排左野之後先有特發野要做....
我睇.. 我都係冇緣去架啦...

不過... 咁啱... 細佬去左...
影左d相同埋拎左本leaflet 比我睇...





細佬話個Exhibition 唔大...



只係睇個門口已經好吸引啦!!
不過好可惜, 入面係唔可以影相架....



呢d figure 既相都係放於出面...



冇得親身去...
有相睇已經好滿足架啦!!!








 


本場刊都好吸引呀...
睇左當去左啦!!


書入面有Tim Burton  既history 同埋作品 ...



唔睇唔知.. 原來真係有好多作品架...
有時間真係要 搵番出黎睇呀!!!

Image
Image

重有埋世界巡迴展覽既相呀!!!


睇完 Exhibition 重有紀念品賣架..
買紀念品既地方係唔需要入場都可以買到架!!!




其實呢個exhibition 真係好值得大家去睇架..
地點係太古坊呀...
展覽到2017年1月23日咋..
快D去啦!!!





大家可以 like埋我地 facebook page 咁就可以緊貼我地架!! 



CCML BLOG 都會出現係呢幾個地方:

http://weshare.hk/piyobaby
http://www.mybb.com.hk/home.php?mod=space&uid=10582&do=blog&view=me

2016年11月18日 星期五

暑期終極日本之旅 - 築地魚市場 (Day 2)

Day 2 ...  築地魚市場  & 台場啦



原本呢一日我地係去横浜既麵包超人館架..
不過.. 係車站行去麵包超人館都有一段路, 
睇過Weather Report 係唔好天, 
所以我地就改變左行程去築地魚市場同埋台場啦!

其實我地安既排既行程都唔算好密, 
因為有小朋友同行, 所以一日都唔可以去咁多個境點呀!!
所以都係等到佢自然起身先出發... 


因為前一晚到步又黑, 又下雨, 所以都冇睇下住既周圍有咩.. 
今日起身見到啦.. 係街口就有FAMILY MART啦!!
日本D便利店真係唔同D架... 
見到咁多野買.. 真係好開心


媽媽早餐係飯團, 
爸爸就係 CREAM PUFF, 
而彤彤同妹妹就係關東煮!!
好味呀!!


然後出發去新宿JR站坐車啦!!
原來我地源路經過好多百貨公司呀!!!


呢個MAP 好緊要.. 
點樣轉車靠晒佢... 


教定彤彤點睇!!!


買左 TICKET 啦...


細細張卡好CUTE... 


可惜出左閘就收左啦!!
冇得留念呢...


到左築地站啦... 
原來有D站係有印仔吸黎留念架... 
好彩我出發前每人買定一本NOTEBOOK 比佢地悶時畫下野寫下野.. 
宜家有用啦.. 
重可以吸埋印呀!!!


大家認住啦,  築地市場係 A1 出口!!


一上到地面就見到啦.. 
係一個魚市場... 
唔知點解我成日以為係見到海架... 


入到去分左2 part ..
第一part 係餐廳同埋一d shop 仔...


真係好多野睇..
而且樣樣都係同魚生壽司有關架!!!


可能因為我地晏到, 所以d餐廳已經係打晒人龍啦 .. .


呢樹既每一間餐廳都係好細,
所以每一間都爆晒人..


不過D人都食得好快就走架!!!
 我地同埋小朋友同行好難可以排隊入去食架..
所以我地選擇買TAKE AWAY食..


不過.. 我地食之前都係等小朋友食飽左先..
我地去左呢間買Tamago...


原來呢d玉子燒都有好多唔同種類架... 


呢左個 人氣既黎試下...
原來真係好好食架..
好香蛋味, 同埋好厚呀!!
同香港果d唔同架..
真係好食好多...


之後我地就入去築地魚市場啦...
呢機真係好大好大..


我估如果早D係會多D人架..
不過我地黎到都12點啦,
所以大部份收晒市啦!!


最後我地找到呢一間係比較多野睇架...


UNI 好正呀.. 
好大呀.. 同埋都唔算貴.. 


重有蟹.. 
好想買番酒店食.. 
不過... 我地宜家只係第一站咋.. 
幾時先等到晚上返去呀!!!


最後係買左三文魚子同埋 UNI... 


眼瞓既妹妹重瞓緊..
而出面又下緊大雨...
所以我地快快食左先...


立即食真係好新鮮呀!!!


好衰既爸爸..
人地冇得食重要攪住人地瞓!!


食完晒野之後就要出發去台場既啦!!!




---------------------


大家可以 like埋我地 facebook page 咁就可以緊貼我地架!! 



CCML BLOG 都會出現係呢幾個地方:

http://weshare.hk/piyobaby
http://www.mybb.com.hk/home.php?mod=space&uid=10582&do=blog&view=me