Dessert @ Black n White

大家有冇聽過有間好好味既甜品屋叫係大角咀?? 

呢間叫 Black n White .. 

入面坐陣既靚仔CHEF 成日都上TVB架... 

佢最叻係做古古力既 DECO

今晚, 我同彤爸送完貨後黎試食... 

一入到SHOP已經比佢個 display 吸引左去啦!!!

好多好靚既餅... 

cut cake大約 $4x一件.. 

如果一個cake就 $4xx以上... 

都幾貴架... 

我地叫左一件cut cake- Opera Cake , 

其實有2款 .. 

一件係橙冧酒味重d, 另一件係咖啡味重d ...

而我地叫左橙冧酒味重d果件... 

都ok啦... 

同埋佢d朱古力又真係幾滑呀!! 

而另一款我地叫既甜品就係呢個 blueberry cheesecake ... 

Blueberry cheesecake, 好似冇咩特別喎... 

不過waiteress 姐姐話呢個好多人叫... 

因為佢用既係新鮮既blueberry... 

佢既製成品唔係一件件餅, 而係放係個JAR入面,,, 

都幾等別呀 ... 

打開看... 

好靚呀既CHEESECAKE底... 

之後上面有曲奇餅碎... 

上面就係佢地自製既 Blueberry ice cream!!

食既時候要MIX埋一起食... 

又真係幾好食喎..... 

冇介紹錯... 

而且D blueberry 真係好新鮮呀!!!

呢間甜品店真係幾好食.... 

不過真係貴左小大小 ... 

耐不耐幫襯下都ok架!!!

佢地宜家係大坑都有啦!!!

--------------------------

Black n White 地址：

大角咀

大坑

------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

彤彤幼稚園畢業了 . . .

彤彤4年幼稚園生來到終結了！
九月開始小學雞生涯！又展開人生的另一個chapter!
作為媽媽我的心情又複雜又感動！

湊小朋友其實係好辛苦。未做父母的朋友們未必會明白，無論你以為你有多了解，始終係未有子女便不會明白有多辛酸。

在這4年幼稚園生活睇住佢成長,學習和進步難免有一些感動！

在台下睇住成個畢業典禮整個過程都好開心！想起K1既Show，發台瘟既彤彤只呆企一角，到現在演的畫劇真的進步很多！心裏十分感動！

畢業show 上、幼稚園的最後一天全體都唱上校歌！奇怪的是平日在家也聽佢唱，但沒有感覺！但呢2次聽到全班小朋友一起唱校歌我真的感動了！
是一班沒有被世界污染、純真的的聲音……





今次終於用心聽到歌詞，真的令我感動了！

「開心笑聲裏長大！」
「尋道理知識，學會愛别人。」
「天天愛心裏長大，培育自信心，還樂於創新」
「大家一起愉快嬉戲，在歡欣中過每天、每一天！」
「齊共勉、結伴行，挽手實現理想！」

希望每一位小朋友都是在，開心笑聲裏長大的！

幼稚園的最後一天，彤彤及同學們遲遲也不肯離開幼稚園，她不捨得一起共同生活了3年的老師、同學！大家一起學習，一起練習、一起玩！依依不捨離開學校。

最想不到的是在車上時，彤彤同婆婆說可否明天再車佢回幼稚園？婆婆說幼稚園已放暑假不用上學！彤彤說老師仍在學校工作未放假，她想回去探老師！人生第一次的分離令她有小許傷感！

彤彤真的長大了！希望小一生活你仍可開心愉快地渡過！

-----------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

Dessert @ 227甜棧

自從去完旅行之後又病, 又小一派位, 

好耐都未見過SY同埋貞 EE啦!!!

呢一晚, 爸爸早放工, 

我們一家食飽之後去找SY食糖水啦!!!

地點係太子既 227甜棧... 

叫親d "棧"既都係有d 古色古香feel!!!

呢間都不例外... 

真係好似一間客棧 ...

入面都係好古裝佈置 ....

呢樹d甜品有一款係冰冰, 

所以有呢個櫃....

不過我地今晚冇食冰!

叫左:

mango 糯米卷 .. 

話好出名 .. 

真係好大塊mango 肉呀!!!

同埋個皮都好軟呀!!

呢個係話好出名架.. 

係北海道牛奶布丁配自家製紅豆icecream!

彤爸話好正!!!

貞 ee 既mango豆腐花 .. 

好滑呀!!!

而我呢個病人, 

食最安全既杏仁露... 

呢個好香, 

唔甜.. 

應該係自己做架.. 唔係開粉的!!!

大家食得好開心... 

休休閒閒聚下.. 

sy同彤彤有自己玩下!!!

好快樂的一晚!!!

227 甜棧 都幾好食架... 

http://www.openrice.com/restaurant/sr2.htm?shopid=143071&region=0&s=3

地點方便 ,

最緊要唔多人, 又唔洗等位!!!

除左九龍城食甜品宜家又多個聚腳點!!!

大家不防試試啦!!!

-----------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

小一派位

剛剛過去的weekend 是一個很剌激又嚇人的weekend!!!

足已令我心跳加速... 

因為剛剛過去的weekend是小一派位公佈消息!!!

前一晚已經不停有幼稚園家長係whatsapp group道discuss .. 

佢地多數有私小位在手安心d .. 

而我... 一個位都冇, 

只有 waiting list, 所以心好不安... 

之後果晚又有 d  news 話今年派位係12年來最低.. 

只有66%既人可以入到頭3志願 .. 

咁你話驚唔驚呀!!!

亦有朋友告訴我有小朋友在上年派左去另外一區... 

真係好擔心架!!!

當日,  我地好晏先去睇派彩.. 

一直拖... 

因為一來多記者, 又多人.. 

二來真係驚... 

彤彤當日重要in埋真光先過去... 

下午真係冇咁多人... 

睇 no 找番自己個counter.. 

坐係樹等已經好急又驚... 

見到前面有2組人... 

一組好開心地走, 

另一組就問左老師野好耐... 

我估後者可以派得不ok．．．　

到我啦... 

對完資料老師就找番我地張註冊信... 

一望之下.... 

我真係控制不到自己... 

淚水已經不停落下來... 

彤彤派到第一志願呀!!!

真係好似中左六合彩咁... 

呢區其實好多人爭架.. 

所以我地已經一早expect左唔得架啦!!!

但... 彤彤真係實左好好運呀!!! 

早幾年見到新聞 d 人睇完之後會喊重話d人洗不洗咁誇張呀!!!

但, 今年親身經歷真係好緊架!!!

香港呢個教育制度真係有d crazy!!! 

我地最怕係比你派左去另外一區!!!

真係心情都係未平服呀!!!

睇完結果之後就同彤彤去睇下佢間新學校... 

佢好開心.. 

最重要既係知道可以讀番媽媽以前既學校!!!

彤彤幼稚園whatsapp group, 

有d 同學仔派不到第一志願 .. 

有d派左去d 不知明的學校.. 

所以我地其實真係好好彩... 

而另一個開心點係, 

彤彤好朋友SY 都派到佢既第一志願呀!!!

真係好開心呀!!!

聽到大家都有好消息既時候真係有d開心到流淚.... 

約定SY媽媽一起出來食餐好既.. 

因為呢一年我地實在好大壓力 .. 

可以站時RELAX RELAX 一下呀!!!

到左小一我地又要同小朋友們努力作戰啦!!!

媽媽既責任幫子女找到一間理想既學校.. 

接下要睇小朋友既做化啦.. 

小朋友們你們開始大個啦要懂事啦!!!

希望好好生性, 努力讀書!

---------------------------------------------

可以睇番我地點樣派位小一派位:

2014/15 小一統一派位 (Part 1)

2014/15 小一統一派位 (Part 2)

-----------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

東京親子遊 - Day 1

Day 1 

香港 à 東京 à 酒店 à 秋葉原

一早 06:00出發... 

要叫醒C & C, 

好彩都順利... 

08:45 既機, 

好彩有舅父車我地... 

行行下打發現冇拎BB 車!!!

回家立即拎番.. 

之後最尾都係冇拎到揹帶!!!

不過到達機場既時候都叫遲啦... 

因為我地坐到最後啦!!!

但總算上到機!!!

不過總算有驚無險可以上到機!!!

第一次坐機既妹妹初初都好乖... 

但... 

之後 high 爆.. 

好彩成程機都只係3個半鍾咋!!!

到啦!!!

日本機埸真係好大.. 

大到人影都見唔到多隻.... 

可能我地又係最後一個落機啦,

成條通道都冇晒人啦!!!

日本 

冇黎好耐啦!!!

都有10年啦!!!

我地今次係羽田機場停.... 

因為羽田機埸近過成田機場好多... 

而我地住既酒店就係正正係 monorail部, 

好方便!!!

由羽田機場坐monorail到我地酒店果區 (浜寸町)都只係15分鐘咋!!!

車票就490円就得啦!!!

平過由成田場場出市區好多數!!

值得一讚既就係日本人好nice, 

教埋我地點買票!!!

之後重同彤彤影相呀!!!

monorail 既模型呀!!!

係日本, 真係咩都cute d 架!!!

monorail 真身份!!

真係有d似子彈火車!!

又大好唔多人既platform, 

真係唔同人多多既香港!!!

呢個鍾數都叫多人呀!!

我地冇位坐!!!

因為呢條l線去埋 domastic flight, 

所以多人坐!!!

到左浜寸町啦!!!

好多人呀!!

因為全部人都要下車轉JR呀!!!

出閘啦!!!

車站好大呀!!!

而且有野食賣呀!!!

日本人好自紀律唔會攪到D 地方 dirty呀!!!

我地酒店好近好近車3站... 

行5分鐘就到啦!!

內街好有日本味!!!

街口有餐廳, 有藥房重有一間結婚既receiption center!!!

去到酒店, hea 一陣先.. 

unpack 下d野, 

之後同2隻豬沖好涼才出去行下, 晚飯

妹妹被困在機幾個鍾, 

去到酒店可以放佢出黎超開心!!!

我地坐JR去秋葉原

JR都唔算多人... 

到左秋菊原啦.. 

C & C 係月台影相留念先... 

秋菊原真係多電器睇, 

啱哂彤爸!!!

都係因為佢先黎呢機, 

如果唔係我就去新宿shopping啦!!!!

晚飯, 我地事但選了一間拉面店食.. 

都唔錯呀!!!

食野係唔洗叫架.. 

係呢部機買ticket 就o大架啦!!!

入到去交張ticket 比佢地, 

之後好快有野食架啦!!!

黎到日本, 真係見到咩都好味d .. 

好多野都想食.. 

我地叫左呢d野食... 

拉面加飯.. 

薯餅拉面

滑旦豬飯... 

樣樣野都好好食!!!

係見到彤彤就知啦!!!

食飽再行多一陣... 

見到咁多人, 

行埋去八下.. 

原來AKB 開 CONCERT.. 

真係好多人睇呀!!!

重有既就係係秋葉原見到好多女樸呀!!!

因為呢頭好多呢d cafe!!!

夜啦.. 

要返酒店休息下啦, 

同埋準備Day 2 既行程呀!!!

-----------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby