彤彤上雜誌...

早一陣子, 媽媽收到雜誌既詢問,

問可否為彤彤做一個訪問..

媽媽見呢本都係一本正經雜誌,

而且都有講一d有關bb 飲料既資料, 所以我地就答應左啦...

(其實媽媽恨左好耐架啦!!! hahaha)

我地比左一d魚湯同果汁彤彤飲住黎影相..

當日記者姐姐同埋攝影師哥哥一起黎..

一直擔心彤彤當日唔太合作,

不過好彩彤彤都好開, 拍攝都好順利..

同埋影得彤彤都好靚呀!!!

要留番起佢到時大個左比番彤彤睇!!!

即興白泥遊...

呢一日因為成日屋企冇水~

所以我地就叫姐姐放左假一天啦..

早上起黎同彤彤去放左幼稚園入學表格之後又去睇子明..

原因: 彤彤呢期好摟.. 咩都摟..

應該好熱氣...

試過幾次食野會咬親條利..

而且瞓唔好..

日日都係6am起身, 起左之後又喊又摟!!

雖然有姐姐, 不過對住一個咩都摟既細路, 媽媽真係10級辛苦!!!

最後結果 - 子明診斷話係好熱氣同埋出緊大牙!!!

諗住玩左一朝早應該返到屋企會瞓啦!!

點知唔瞓!!!

打比瑤媽, 原來瑤瑤都係同一情況!!

對住兩個累又唔想瞓只想摟既bb, 我地唯有出去!!

決定去一次白泥睇日落!!

同埋因為車程遠, 可以比佢地係車入面瞓一陣!!

入到去遲左d, 個天黑左d ...

不過都影左幾張相!!

呢道真係好靚,

不過可惜既就係我地遲左到啦!!　

攪到都天黑黑啦!!

我地會再黎過架!! 重要早D入黎呀!!

*******************************

鏡頭一轉, 我地出左黎食飯啦!!

彤彤一出動佢既豬咀啦!!!

知道雞媽明天返.. 約埋仁哥出黎happy 一番先!!!

當榮榮call仁哥時, 仁哥你係咪以為只係得男子組呢!!!

kakakaka...

嗱... 宜家比番張相你地男子組啦!!

彤彤好醒目咁自己姐住自己個樣啦!!

刷牙。。。

彤彤唔多喜歡刷牙，　

成日叫佢刷牙都好辛苦架...

唔刷又唔得, 因為瞓前既一支奶..

所以媽媽見彤彤都2歲大啦..

咁我就買左支幼兒牙膏比佢用..

希望佢會因為支牙膏刷牙啦...

呢支牙膏幾好架, strawberry 味!

最緊要係食得, 所以落左肚都唔怕..

用左牙膏之後彤彤真係肯刷牙..

希望唔好係短期啦!!!

最近...

中秋節快到..

多謝魚ee送既 貓貓moon cake!!!

之前 UNY開幕, milk top 買coupon 有discount,

買左d ice-cream同埋 布丁coupon,

行下拎左個生薑味既ice-cream 返屋企食呀..

幾好味, 同埋夠薑... 我至愛!!!

又拎左一個鮮奶布丁..

又幾滑幾好味喎...

探b記

壞人哥哥既細路仔出生左啦!!!

呢一日我地約埋左一大班人一起去探佢地順便食薑醋呀!!!

細路仔好可愛呀!!!

見番呢d初生真係唔同d呀!!!

又好懷念初生既彤彤呀!!

細路仔你要快高長大健健康康呀!!!

上到去越壞人哥哥屋企有好多野玩..

特別係THOMAS, 成個客廳都係THOMAS 火車呀..

重有D會噴煙架...

彤彤原來都好似對THOMAS好有興趣呀。。。。

重有哥哥陪玩...

開心C佢啦!!!

點解彤彤會含羞答答既樣呢??

咪因為要TUM勇哥哥借部IPAD比佢玩啦!!!

因為爸爸買左IPAD彤彤係唔知架!!!

平時爸爸係屋企係要lay埋架...

宜家彤彤可以真正玩啦!!!

得左...

近排...

都係好耐好耐既野啦...

趁豬媽重放緊產假,

一起出去TST陪雞媽lunch...

去見城食左一個好滿足既lunch!!!

重見到好可愛既g2呀!!!

雞媽生日,

原來係打算焗個carrot cake比佢...

呢個carrot cake 係新製作  - 所以失敗左lu..

唔好意思呀!!!

彤彤返學第2天...

第2日返學.. .

仍然係可以陪,

彤彤既情況好左D啦..

可能適應左D啦!!!

自己肯坐..

亦都肯跟老師玩...

媽媽可以坐遠D望下佢..

不過媽媽既擔心仍未消除架...

因為媽媽可以陪上堂,

即係好似以前上PG 咁,

冇分別架...

所以真正既CHALLENGE就係當彤彤自己一個返學既時候!!!

彤彤希望你可以快D適應到校園生活啦!!!

N1 返學第一天

終於到左返學既日子啦..

呢一日7:30am 叫彤彤起身..

之後一切都好順利 - 飲奶, 換衫 同埋出門口..

呢一日特別早d返學, 因為想佢早d去學校warm up 一下..

去到學校未開始上堂時肯自己玩玩具..

之後當大家要排排坐既時間其實彤彤係有坐定過架..

不過因為佢兩邊之後都有媽媽抱住個仔坐,

所以令到佢自己唔肯坐啦...

茶點時間最乖最聽話...

喊就冇喊...

不過唔係太合作姐...

第一日都算係咁架啦..

希望佢明天再努力d啦...