講完 會升讀 n 班 既妹妹...
宜家又黎講下會升小一既彤彤呀!!!
well可能大家都已經知..
不過等我再講一講啦...
升大小一呢個遊戲係有分開3類唔同既小學架:
(a) 官立/津貼小學(Govt schools/Govt Subsidized
Schools)
呢個係全港有最多學校, 因為呢d學校係由政府全資或大量地津貼, 收得阿公錢...就當然要由阿公去"幫"佢地分配學額喇...而 under Govt 9 年 free education 既機制, 家長就唔駛俾學費既, 有好多有名學校都屬此別, e.g. 協恩, 喇沙, 英華小學, 油天, Marymount, Maryknoll Convent etc ....
(b) 私立小學 (Private Schools)
呢d講明係"私立", 即係由該辦學團體自己俾錢辦喇...但因為辦學真係所需不菲, 所以呢d學校一定要收學費先可以生存, 學費收多少視乎該辦學團體係咪有錢咁喇....亦睇名氣, 係有名個d就有機會收得貴架喇 (e.g. 佢地話自己係雙語教學呀, 學校又大呀咁, well ..羊毛出在羊身上, 家長係"消費者", 自要同學校一齊負擔呢d開支架喇....一般而言, 我見過私小學費由 HK$2xxx - HK$6xxx 不等... e.g. 培正小學, 民生小學, 高主教, 女拔萃, 禮賢小學, 九龍塘小學都屬此類
(c) 直資 (Direct Subsidy Schools, 簡稱 DSS)
呢個係阿公近年積極鼓吹而出現既"產品", 原因係因為教育開支 (esp that 9 yrs free
education) 對阿公既負擔都實在沉重, 而當中又因為家長都好一窩蜂追求名校, 阿公想"淡化"名校響 HK 既 influence, 費事成日都係有d學校就其門如市, 有d 就出埋校車, 津貼埋書簿費都冇人吼, 浪費阿公資源 (因為津小係要阿公俾 assistance 架嘛, 咁冇人讀都要俾, 即係 waste taxpayer's $$$, 所以要諗計....)
咁彤彤想要入既學校係 官立/津貼小學 果d ..
呢d係話公平派位架...
係9月中果時, 我地已經自行交左表去自己既想入既官立/津貼小學啦...
不過話就話公平... 但其實又味係favour一d 教友, 同果間學校有關係既人...
睇下下面既表, 1st round, 50%自己交表... 但, 收既就係收30%有弟妹果d,
而剩下落黎既20%就係計分..
彤彤有20分... 雖然好似好多...
但, 20分既人多的是...
但如果你係入左教會, 而又係同你果間學校既教係一樣既, 你就sure win...
之後 11月中我地就知道派彩啦!!!
如果真係咁lucky入左就好啦!!!
如果唔係就要等1月既統一派位再玩過!!!
呢個2nd round 收10到 唔同區既小朋友... 其餘就收番同區既...
不過... 真係唔會點架...
我們一向汲抽獎運, 所以都要找下其他學校 backup一下先!!!
私立小學同直資小學, 我地選了申請私立小學
因為如果直資小學收我地, 我地要放棄派位既機會 ....
我地最終係想派位架, 所以我地就唔會申請直資小學
至於私立小學, 我地都in 在幾間...
不過我都係50%/50%,
因為彤彤係性格孩子重有d寸...
所以 ... 我地都以平常心啦..
唔會刻意去谷佢, 怕有反效果..
可能... 希望 ... 去到一間佢覺得ok 又有feel既學校佢會表現好d啦!!!
踏入九月我家兩bb 都好慘...
因為要申請出年既學位啦!!!
妹妹話就話出年入 N 班, 但都好緊張...
係彤彤果時, 雖然彤彤都係細B, 但冇今年咁緊張...
因為妹妹係龍B .. 重要係一個細既龍B ...
好多間幼稚園已經 set 左收生只係收到8月31日出生果d....
有劍名, St. Catherines', Hong Kong Pre, 學之園等...
而之前家姐讀既 Cannon 都係 8月31日 ...
好彩, 再問一問老師, 佢話12月叫我地上website 睇下..
會收小量既細b ..
妹妹報既學校本身已經唔多,
加上妹妹係細b , 真係可以入到既學校機會都好微 ...
早2個星期, in 左屋企附近既幼稚園...
不是媽媽心水... 但, 幾要試...
今日, 收到封信係唔收呀....
唉... 黎緊妹妹都重有2間學校要 in 架..
希望會有收既機會啦!!!!
真係唔想妹妹留多一年啦!!!
今次講一講香港 local mail ..
因為呢排send左好多申請學校既form 出去!!!!
之前既local mail 係 $1.4 ..
由10月1日開始已經加到去$1.7啦!!!
不過... 申請學校係10月前既事,
但, 學校要send番資料比你架..
所以佢地要求既回郵信封係要貼上$1.7stamp架!!
但因為新既$1.7 stamp未印好,
所以大家都要買一個 $1.4既stamp, 再加 $0.3 同埋 $0.1 既stamp落去!!!!
ok啦.. 到宜家d $1.7 stamp 印起啦!!!
好似好精美呀....
再睇真d ...
點解會冇左個價錢架???？
咁點知係 $1.7 喎 ?!
再睇清楚d, 原來pack stamp有寫係比郵件唔多過 30 gram架...
但係我都唔係好習慣d stamp 上面冇寫明價錢呀!!!!
唔知遲d d 人會唔會voice out ...
之後郵局又再印番個價錢落去...
如果真係架呢, 呢d冇價錢既stamp 要買多幾pack 等佢地升值啦!!!!
學校有 Halloween Party + Birthday Party ...
最開心既就係媽媽啦..
因為我又有借口做d 小禮物比d 小朋友了!!!!
本來今次係想做 pumpkin icing cookies,
但, 因為時間唔夠, 所以做左oatmeal cookies!!!
開工!!!
做呢隻cookies, 真係好快好快呀!!!
只要 1.5 hr 70塊餅仔已經完成啦!!!!
成屋都好香cookies 味呀!!!
最後梗係包裝啦!!!
不過媽媽覺得就咁比2塊餅仔人好似單調左d ...
所以除左2塊餅仔重有 Jack 既棉花糖呀!!!
Halloween 既顏色係orange 同埋black!!!
襯唔襯呀?!
雖然.. 好多人可能覺得我有d無聊同埋浪費時間做呢d野...
但每次做完呢d小禮物我都好大成功感同埋好開心架!!!
希望收到既都開心啦!!!!
關左大半年既樂富街市終於重開啦!!!!
呢大半年真係好唔方便!!!!
都唔知去邊樹買餸好!!!
不過等左咁耐, 終於重開啦!!!
門口重要靚左好多呀!!!
入面重要clean 同埋大左好多!!!!
重多左好多唔同重顃既shop呀!!!
有sushi啦, oyster bar, 和牛都有!!!!
簡直好似返左去aust一樣呀!!!
宜家個街市咁靚, 真係唔怕黎多幾次呀!!!
思樂冰 --- 7-11 特有飲品 ...
細個既時間真係好鐘意飲架...
不過宜家大個左真係好耐好耐都冇飲了....
點解突然都提起思樂冰呢??
因為行過 7-11 見到呢個poster 比佢吸引左...
係呀... $2 隻, 12 安士...
宜家香港地物價高, 重有咁平既野飲咩???
好 ... 入去買番杯飲下先...
12安士, 都幾大杯喎 ...
重有3款味...
傳統既可樂, banana + apple, 同埋orange!!!
最愛banana 既彤爸梗係選banana + apple ..
又幾香喎 ...
之後再加coke,
最尾係orange!!!
3款味都有!!!
勁呀...
一大杯....
耐唔耐飲都幾好味呀!!!
$2 杯又幾抵呀!!!
唔知個promotion做到幾時呢??
話說呢一晚媽媽放工之後就跟了同事去BBQ ...
下.. 咁夜都可以BBQ ??? (媽媽既放工時間係8點幾呀)
係呀.. 原來重要係好近係市區呀!!!
地點係美孚既九菶徑 ...
坐一程MTR後, 可以轉$3小巴又或者自己行上去都得!!!
今晚既月亮真係好靚呀...
而且入秋, 唔會好熱, 好舒服!!!
見到呢個牌坊就到架啦!!!
再要行入去...
九華徑有2間BBQ, 一間係門口, 一間要行入小小 ...
我地今日去既吉吉燒係入D果間!!!
係味有D郊外FEEL啦!!!
真係估佢唔到...
市區竟有這樣既BBQ!!!
同一般燒烤場比較, 佢地d位唔迫呀!! 正呀!
而食物質素都ok呀!!!
好似chicken wings, 有好多唔同既味, 而隻隻味都好食..
腸仔, 除左平時既cheap cheap 雞肉腸重有一隻日本腸...
而味道方面 .... 真係好味架...
好體貼, 有d雜菜pack 同cornpack 供應.. .
一早包好晒 ... 細細包, 一人份量 啱啱好!!!
而個雜菜pack重有d seasoning 係樹架!! 好香呀!!!
呢一晚, 呢個bbq場真係令我大開眼界呀!!!
咁近會有bbq場, 食物又ok, 真係可以成日來呀!!!
前兩日, 係 UNY 見到有豆腐冷面喎...
又幾得意呀...
豆腐都可以做面....
所以買左黎試下先...
我用左D熱水洗一洗 ...
好香既豆腐味呀!!!
撈埋醬, 好香呀!!!!
食落好味, d 芝麻醬又好香呀!!!
不過份量係少左d呀..
下次如果lunch 可以買2 pack,
自己再加d 火腿絲, 青瓜絲 ...
呢pack豆腐冷面唔肥 ..
真係減肥瘦身既好食品!!!
最近收到一個唔係好開心既消息...
Yahoo Blog 要close 啦...
最開始寫blog 至今唔經唔覺已經5年了...
由有左彤彤開始寫, 到宜家妹妹1歲啦!!!!
由唔係寫得咁密到宜家寫到成為習慣了....
係呢5年之間, yahoo blog 記低了我的開心與唔開心,
見正左彤彤同埋妹妹既成長,
有令到我地一家都認識到一d朋...
特別係要多謝sy一家 ...
sy 係同彤彤同年既9月bb ...
由佢地出生到現在佢地都一起玩, 一起長大 ..
真係青門足馬長大架....
問彤彤口中既好朋友是誰, 佢諗都唔洗諗, 一定係sy架啦!!!!
好希望你們兩個可以成為永久既好朋友!!!
而sy 媽當然係我既親密戰友啦...
由餵奶, 打針, b 病, 考學校, 教養等, 大家都一起作戰...
驚就兩份啦!!!
除此之外我地既共同興趣係食啦.. hahaha
所以都會約埋一起去食食食!!!
除左朋友得著之外,
媽媽我係寫blog其間都有其他得著架...
就係有PR會找我地去參加下blogger event啦!!!
雖然所以PR都找我地... 不過已經好開心架啦!!!
出席呢D blogger event 有機會比我地exprience 到唔同既野啦..
特別係一d 比小朋友既blogger event,
見到彤彤同sy 都玩得好開心呀!!!
希望轉左地方寫blog之後重有pr姐姐找我地啦!!!!
YAHOO Blog 將會在10月30日就 唔可以再寫到blog啦...
咁我呢位fans 會寫到yahoo 停為止架...
但與此同時, 我既新blog 會同步update... (希望我做到啦!!!)
我既新地步會移施到SINA ...
http://piyobabypiyo.mysinablog.com/index.php
重有blogspot:
http://ccmlfamily.blogspot.hk/
大家以後可以去呢樹找我地一家四口既最新消息架!!!
而彤彤既好朋友sy既blog 就係呢個 http://qqlee88.mysinablog.com/index.php
希望大家繼續支持我地啦!!!
最後係呢樹我要多謝YAHOO BLOG呢5年比左個地方我地記下點點滴滴...
希望可以成功完成埋BACK野..
之後可以係SINA果邊POST番D野出來!!!
今日係彤爸既正日生日...
咁啱又係星期六喎...
咁我地一家四口就出去食飯啦!!!
食既係彤爸最愛既炸物 !!!
地點係 iSQUARE 既銀座梅林
呢樹比起另一間好出名既炸物餐廳又唔多人喎!!!
重係好小人呀!!!
近似比我地包場!!!
食物方面, 呢場最出名既係炸豬...
呢d係我地叫既食物...
魚生飯 ... 好新鮮呀!!!
炸豬柳定食...
炸柳佢地話會鬆脆d ...
啱晒彤彤呢d冇牙婆!!!
重有呢個 potato cheese cake!!!
好香呀!!!
不過就貴左d 姐 $30 一件呀!!!
銀座梅林既炸物比去出名果間其實真係有d分別..
味道, 肉質係ok架..
不過就係個炸皮比較厚啦!!!
但環境係好舒服!!!
起碼唔洗等位同埋餐廳唔會好嘈呀!!!
最後.. 生日點少得生日蛋糕呢!!!
又係出自貴族既累森林mango cake!!!
彤爸呢個生日雖然冇咩celebration..
不過希望你開心啦!!!!
