台北。6大2小1B。自由。HEA。食。旅行團 - DAY 1

因為Easter係Peak Season, 所以我地只係book 倒夜機去， 原本係7㸃既機，4點幾5㸃出機場 行行下收到CX既message 話所有機delay 1.5hr 都出左門口，照去啦！

去到問空姐先知原來果日所有台灣既機也delay!! 聰明既彤爸到左機場問空姐可否轉早一班， 哈！又有位喎！重可以即刻上機！ 咁我地重比預定時間早左到添！

2個鐘頭既飛機， 可能細細第一次坐，所以有D扭 又一次我又要感激我細佬同媽媽陪同而行！ 如果唔係得我同彤爸真係會有D混亂呀！

我同細細, 婆婆, 細佬一起坐...

而彤彤, 妹妹就同彤爸一起坐啦!!

講下飛機餐先...
唔知係味因為係2小時機,
所以D餐都比較"輕"
只係用一個袋就入好晒啦!!!
係PIE啦, 盒裝飲品 同埋一包餅!

都叫幾靚呀...

不過... 我真係冇咩興趣食呀!!!

好快司機叔叔已經車到， 去到酒店已經係9㸃啦

彤爸叫我呢張相一定要POST 出黎,
因為佢拎晒所有行李呀!!!

好快咁安頓好CCC休息之後 彤爸同舅父就去左夜市食野啦!
重有周圍几下呀!

台北夜市..
好彩既我地係住西門町,
所以夜晚都好多野睇...

夜晚成11點幾都咁多人...
西門町真係旺!!!

原來除左食之外,
重有銜頭畫呀!!!

呢D係香港真係唔係周街有!!!

畫人像係香港只係係遊客區見到咋!!!

之後就到食架啦!!!

聽彤爸happy 完返黍講佢食左好多野， 亦都外帶左返酒店比我食！

有苦瓜汁 - 清甜好味喎
真係清熱氣既好幫手

羊肉串 - 勁香羊味
肉汁仍在， 唔怕好似上次花市D又乾又硬

臭豆腐 - 雖然唔算太臭， 不過好好味呀 而且同香港果D唔同，唔會好炸！ 配埋酸菜就非常正！

重有就梗係最好味既台灣腸啦！ 配埋蜜汁同wasabi真係另一番風味！

雖然我留酒店冇得一起行..
不過有得食已經好開心啦!!
期待遲多2日既市林夜市...

食飽飽就立即瞓啦..
因為我地第二日要去郊區呀!!!

-------------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

http://www.mybb.com.hk/home.php?mod=space&uid=10582&do=blog&view=me