大鄉里出城之考完試鬆一鬆 @ 灣仔利東街

係呀.. 上星期彤彤考完試啦,
亦都係媽媽可以鬆一鬆既時間啦..
兩母女去左灣仔朝聖!!!
呢樹係利東街...
好多年冇黎啦..
你點都唔信自己係黎左灣仔呀!!!
真係變左好多好多!!

一到步, 我地搵食先..
係openrice 見到附近有間食餃子架..
好.. 試下先...

呢間日本餃子店叫 - 餃餃餃子

我地差唔1點到, 到排左一陣隊.... 

係排隊既時候, 我地已經點左野食啦!!

全店都係食餃子.. 

有好多唔同既口味!

餐廳唔算大, 

我地坐左COUNTER 位... 

彤彤好開心, 可以睇到廚房煮野... 

有唔同既醬汁...
除左傳統餃子汁之外, 重有味噌餃子汁同埋辛子味噌
味噌餃子汁我試左, 佢保留左傳統餃子汁既味道之餘重有好香既味噌味道..
不過彤彤覺得有少少辣味,,
而辛子味噌我冇試呀.. 因為我怕會好辣呀!!!

呢個係 豚肉餃子,
做得好香..
而且D肉都好多呀!!

呢個3色餃子,
綠色既係菜汁做皮..
呢3款又有咩味呢..
有一款係蝦肉..  (真係好多蝦喎)
一款係洋蔥.. 幾香, 不過彤彤覺得辣...
另一款係MUSHROOM.. 不過同腴肉冇咩分別...

OVERALL 係好食架..
下次想試下佢D芝士餃子!!!

食飽飽, 再黎到我地今日的要去的地方...  零食物語...

 零食物語有咩咁特別要山長水遠黎到...
因為呢樹有個 卡樂B COUNTER ,
薯片係新鮮架...
見彤彤考完試, 同佢黎朝聖下啦!

其實呢一間係一間普通既零食物語..
都係味D零食..
不過特別既係有一個卡樂B SECTION...
有好多唔同既 CHIPS...
重有D 係香港先有架...

呢包咁太包, 我真係係 香港既 SUPERMARKET 未見過!!!

之後重有新鮮既薯片同埋昕叫即做呀!!!
有原味, 朱古力味同埋香港先有既避風塘味
不過都唔平呀!!!

見到D SAMPLE 已經流晒口水... 

見到好細心咁係樹砌呀!

做好啦.. 

我地叫左原味,,, 

原來入面既雪糕係另外用杯架... 

都幾多CHIPS 呀!

原來雪糕加埋CHIPS係幾好食架.... 

薯片真係好香薯仔味... 

而且係好新鮮.. 

真係同一包包果D唔同食法架!!!

睇下彤彤食得幾開心...
恨左好耐啦!!!

係利東街, 除左食重有好多SHOPS呀!!

好似STAEDTLER, 呢間文具店係香港既第一間專門店呀!!

小學雞就最鍾意睇文具架啦.. 

彤彤都唔例外.. 

呢支又想要, 果支又想買...  

不過, 最後當然係冇買啦..
要買, 點都等開學前先啦!!!

今日灣仔利東街一日遊真係好開心呀!!
見到好多好多新鮮既野...
之後先發現自己OUT左好多呀!!!
有機會真係要多D出黎行下呀!!
不過都要彤彤你合作先得!!


-------------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby