【產品分享】保健養生 @ 老協珍

作為一個在職媽媽,

唔好講話休息, 行街, 食飯,

我真係一天24小時都唔夠用...

好多人都話.. 你可以掉下小朋友去自己輕鬆下..

但係呢... 平日返工已經要找屋企人幫手照顧屋企...

如果自己放假去玩都要屋企人幫手照顧屋企...

我.. 做唔到..

只係覺得自己事情要自己負責

我係蠢... 都已經有人話過我啦... ..

呢個係我係做人原則.....

anyway... 因為好busy..

早上返工... 放工之後又要照顧小朋友功課, 玩, 等...

媽媽點去支持落去...

會盡量爭取時間休息, 同埋都會食下同有益既食物, 湯水, 或者保健產品等..

今次... 發現到有老協珍既滴雞精比我補補身!

以前媽媽係屋企都有燉雞汁比我飲, 

要睇火, 燉成3個小時... 

宜家原來有D 咁方便既滴雞精, 可以成日飲都得啦!!!.

 一般都聽講過滴雞精，今次是「熬雞精」！

老協珍係台灣老品牌,  已經有成80年歷史架啦!!

佢地用傳承八十年的「熬工法」去熬出老母雞深層既營養.. 

真係一點一滴都係充滿愛!!!

我知市面上都有好多唔同既品牌都有出滴雞精.. 

不過唔係個個品牌都係咁PURE.. 

PURE 既意思係指不添加任何中藥, 

佢地係用精粹上等老母雞同豬肉, 

仲絕無抗生素, 無塑化劑同埋中藥

所以可以放心食用!!

所以係啱一家大細老幼都啱飲架!!!

  

細細包, 每日一包42ml已經足夠.. 

而且仲好方便架.. 

放係公司用熱水浸一陣，3分鐘就OK架啦! 超方便

除左浸熱水, 都可以有唔同既方法整熱佢架!!!

隨時隨地係邊樹飲都得!!!

熱左之後倒出黎飲得... 

一剪開個包就已經聞到好香既雞湯味... 

好有家既味道.. 好似以前媽媽燉既雞汁!!

入口亦都係好香, 好滑, 好濃既雞湯... 

真係好真材實料呀!!!

比一般滴雞精好飲，而且熱量只有14大卡，補身得黎唔怕肥

P.S. 早上空肚飲，暖胃精神好，吸收效果最好!

連續飲左幾日覺得自己係有轉變左架... 

長期唔夠瞓既我變得精神!!!

平時到左下午真係好冇精神... 

不過.. 呢排飲左滴雞汁之後唔怕對眼好似成日想趺落黎咁!!!

面色仲好左!

咁好既野一定唔會自私, 

咁啱有朋友就黎生BB, 我都介紹佢飲老協珍去補!!

見好多明星生完都係飲佢補身架!!!

好似徐若瑄咁,

四十歲高齡懷孕,

到左第三個月時因發現胎位過低要一直瞓床瞓到生..

係呢段時間, 佢不停飲用老協珍熬雞精安胎...

所以一直到生左之後都可以氣色好!!!

各位BUSY 既FT OR PT 媽媽, 

對住咁BUSY 既生活, 

不防可以考慮下比自己同埋屋企人飲呀!!

可以好好調理身體呀!!!

想了解多D, 可以去佢地網站了解下:

老協珍香港官網：https://lxz.com.hk

老協珍香港粉絲團：https://www.facebook.com/laoxiezhenHK/

-------------------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

http://blog.mybb.com.hk/home.php?mod=space&uid=10582&do=blog&id=19670

【開心9月】9 月蛋糕月

9 月除左代表暑假完結, 開學之外,
對C&C 都好特別...
因為 C&C都係9 月生日架..
重有既就係一班陪伴住 C&C一起成長既9月出生朋友仔!!!

大C係第一個係9月架...
佢生日應該冇人唔記得架..
因為大家都係第一日開學!!!

不過..... 佢呢間學校好好架..
因為除左P1 同 P4要第一日返學之外,
其他年級都唔洗第一日開課!!

                             

蛋糕小不得..
大C揀左美心既 Minions 蛋糕..
原來蛋糕個頂既公仔係後加入去架..
重會唱HAPPY BIRTHDAY!!!
味道都唔差..
呢幾年美心既蛋糕係進步左架...
不過 CREAM 就仍然係好多!!

之後... 趁住未開學約埋妹妹既一班同日出生既9月朋友仔一起開生日會!!!

今年係第6年啦!!

今年既生日蛋糕係一位媽媽親手做架.. 

係一個CARROT & BANANA CAKE.. 

真係好靚又好味!!!

重有.. 當日生日會既其他食物都係佢一手包辦架.. 

真係叻...  (下篇BLOG 會再講)

到左舊曆生日, 

C&C 係同一日架.. 

兩姊妹可以同一個舊曆生日係一件好美好既事... 

不過, 因為媽媽工作忙既關係, 

只係夠時間係公司樓下既 Pacific Coffee 買左一年 New York Cheese Cake.  

其實蛋糕都係其次... 

媽媽只係希望到你地大個左時, 

有自己既朋友時, 

都要年年都一起過.. 

跟住又到妹妹生日啦.. 

因為打風之後成個香港好多地方都要維修既關係... 

教處要所有學校都要停課一天... 

咁, 妹妹生日就變左一日假期... 

媽媽原本以後自己唔洗返... 

不過最後都要返工唔可以同妹妹慶生... 

婆婆好好, 同3C一起出去食LUNCH ..

重定左一個UNICORN 蛋糕比妹妹... 

呢個蛋糕係蛋糕屋ORDER 架.. 

佢地既蛋糕真係好軟好好味... 

而且 D CREAM 又香又滑!!

又唔會太甜... 

妹妹平時食蛋糕, 最放心係食蛋糕屋既蛋糕啦.. 

因為其他果D佢食左一定會咳.. 

但係蛋糕果D佢食一件都唔會有事!!

9月足足食左幾次既蛋糕.. 

媽媽真係食到爆晒QUOTA 啦!!!

要好好休息減肥一下啦!!!

希望你地年年既生日都開開心心地度過啦!!!

-------------------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

http://www.mybb.com.hk/home.php?mod=space&uid=10582&do=blog&view=me

【親子好去處】假期享盡家庭樂！4個親子好去處

小朋友平時返學咁辛苦，一到周末同假期，緊喺要帶佢地周圍去放下電，其實香港有好多親子好去處，快 啲同屋企人嚟享盡家庭樂啦！

1.峻嶺燒烤場

難得假期一家大細當然要出去擁抱大自然啦，峻嶺燒烤場 鄰近天水圍濕地公園，交通便利，除咗高爾夫球 場，仲有燒烤場，可飽覽綠油油嘅大自然環境，遠離城市煩囂。峻嶺燒烤場​ 有冷氣燒烤車，客人可以舒舒 服服喺車內邊玩邊食。場內仲有好多動態同靜態康樂設施，好似腳踢桌球、小型足球區同沙池等等，啱曬 大小朋友一同享樂。


峻嶺燒烤場 地址 :
天水圍馮家圍天華路及天慈路交界
電話 : 6030 9079 營業時間 (需預約):
燒烤場 : 星期一至日11am - 11pm



2.嘉道理農場暨植物園

嘉道理農場暨植物園佔地148公頃，一年四季都有唔同品種的花卉盛開，主要分為上山及下山兩區，上山區 有九條生態徑，而下山區就有多家農舍同埋動物館，有野豬、貓頭鷹等。園內自然舒適嘅環境非常適合一 家人親親大自然、放鬆身心。

嘉道理農場暨植物園
地址：香港新界大埔林錦公路
電話：(852) 2483 7200
開放時間：9:30 am-5pm


3.香港兒童探索博物館

兒童探索博物館在2018年9月19日正式開幕，有4大區域讓小朋友在玩樂中學習，館內有多項導引活動激發 佢哋嘅創意思維，讓小朋友探索不同主題，從實踐中學習。又設有動手學習展區，包括愛耗大自然、小工 匠工作室、故事舞台、漫遊小香港等，為小朋友提供獨特的學習體驗。

香港兒童探索博物館
地址： 北角馬寶道28號華滙中心一樓
票務詳情：9月首個星期公開


4.​抱抱海洋館
海洋主題的泡泡室內遊樂場「抱抱海洋館」有藍白色波波池同多款泡泡互動遊戲比小朋友玩。場內仲有個 兒童健身區，有5部運動儀器可以發放泡泡，例如：單車、跳彈床、跑步機等，父母仲可以陪小孩一齊邊玩 邊運動。

抱抱海洋館
地址: 荃灣愉景新城第二層2052-2053舖
開放時間: 周一至日10am – 7pm

-------------------------------------------------------

大家可以 like埋我地 facebook page 咁就可以緊貼我地架!! 

https://www.facebook.com/pages/CCML/541687029256695

CCML BLOG 都會出現係呢幾個地方:

http://ccmlfamily.blogspot.hk/

http://weshare.hk/piyobaby

http://www.mybb.com.hk/home.php?mod=space&uid=10582&do=blog&view=me