與蕃薯有個約會....

得仁哥安排雞雞同彤彤今日約左蕃薯去佢屋企玩!!

彤彤同蕃薯係第2次見面啦..

第一次我地係係09年322bb半歲party見過!!!

蕃薯好可愛呀.. 成日都咪咪笑!!!

蕃薯自己有一張私家皮sofa..

雞雞同彤彤都好喜愛呀.. 成日爭黎坐!!!

雖然第一次見面,

彤彤雞雞同埋蕃薯都有3個一起玩都有交流呀!!

重玩得好開心呀!!!

不過爭野既情況當然有出現啦!!!

玩玩下.. 多左樣野玩..

原來人肉sir滑梯小朋友好喜愛架......

不過如果我有42吋長腿你地會玩得開心d...

仁哥帶左雞雞上次catwalk既金髮黎比蕃薯試下呀!!!

原來所有bb都唔like假髮架..

幾經辛苦先可以幫蕃薯影到呢一張金髮look相.. 名為仙杜拉look!!!

呢一晚原本薯媽係諗住下廚煮野比我地食架..

不過因為佢地昨晚去左飲好夜返,

所以我地呢一晚我地叫左pizza 同埋板長壽司!!

都一樣好好味!!

見大家咁高興, 好耐冇做餅既我都做左一個blueberry cheese cake 比大家試下...

因為買唔切blueberry醬, 所以用左cream代替...

希望大家都鍾意食啦..

切蛋糕時bb們個個走埋去cake道...

好似真係佢地生日咁喎!!!

原來蕃薯同彤彤一樣咁愛食野..

佢地兩個一見到個cake就已經開始失控啦!!!

所以影大合照果時唔可以有NG, 一定要快快影!!!

 呢一日好多謝蕃薯家熱情招待我地呀!!!

我地得閒又再一起玩過啦!!! 

JWT Gym

今日係雞雞同彤彤最後一堂gym啦...

同雞媽討論過, 想呢兩隻monkey學多d野,

所以呢個semester 完左後佢地兩個就會轉去讀kinder u啦...

呢一堂你地3個要玩得開心d呀!!

彤彤呢期鍾意玩tunnel!!!

3個小朋友玩swing都好開心喎...

下次你地一起玩swing應該係係公園啦!!!

冇得一起去gym,

大家唯有轉場去公園啦...

彤彤... 你實左太好動啦...

gym呢家野唔係唔好...

不過對於好動既你會令你更加好動。。。

媽媽想你定性d ....

所以希望你上左kinder U 之後留心d, 學多d野啦...

BB都打golf...

係呢一個咁好天既星期日,

我地約埋3b一起去九龍仔公園吸下新鮮空氣啦!!!

今日我地帶左去公園玩既主題玩具有 golf !!!

大家做下熱身先!!!

睇下媽媽們幾落力訓練佢地!!!

唔知佢地可唔可以成為 Tiger Woods 呢??

大家都好似好有姿態喎!!!

不過彤彤好似鍾意做波童多過打波喎!!!

呢個公園咁靚, 又有花又有草,

快d黎影張大合照先啦...

企定定先...

好難得4個企定定比我地影相呀!!!

不過雞雞你做乜企咁開呀??

你係3個女仔中既綠葉...

有3美女相伴好叻架呀!!

***************************************

是日推介: 

豬爸既愛車!!!

豬豬好乖呀..自己坐係後座唔會攪攪震!!!

瑤家一家四口行公園...

好sweet 既一張相呀!!!

Dinner @ Imasa (Peninsula)

半島既餐廳一向食物水準都係好好既....

中菜有嘉麟樓, 飲過幾次茶, 好正!

西餐有Felix, N年前生日食過一次.. 好味.. 裝修都好靚!!!

而今次我地又再次去半島食野, 食既係日本料理 -  今佐日本料理 !!!

好興奮呀!!!

舅父話今佐呢個係一個半放題...

半放題即係食係 魚生, 熱食, 甜品都係任食..

而main course有2款可供選擇..

每人重可以有一碗undo 同埋 2個scope!!

有好多好多新鮮魚生...

最重要既係uni係無限量供應!!

其實價錢係算貴架...

不過再諗下可以喪食uni喎...乜都抵番晒啦!!!

我地一家同埋舅父 & 為食契媽一起向今佐大食啦!!!

魚生方面全部都好新鮮,

有三文魚, 吞拿魚, 甜蝦, 北寄, 帶子, 海膽等等...

以前成日聽見人地講話食落口即溶, 今日我終於感受到啦!!!

而我既至愛海膽... 我係為佢而黎架, 當然不停咁食食食啦!!

海膽係放係碟仔上面serve... 都算幾大舊架..

而碟碟都好甜好鮮!!  我都食左成十幾碟呀!!

長蟹腳同壽司都有... 都ok架...

而熱食有蒸水蛋, 銀鱈魚, 關東煮, 蟹皇粥 等等... 都唔錯!!

熱食有2款:  雜錦天婦羅同埋牛肉...

我地5個人, 原本可以叫5份, 不過因為太飽,

最後只係叫左1客牛肉同埋3客天婦羅!!!

食後感 ... 天婦羅好食d...

稻庭undo, 我地只係叫左一碗.. 因為飽..

同埋想食多幾個round既uni!!!

彤彤今日既表現都算乖啦..

佢都食得好開心呀!!

最開心既係見到一個靚仔waiter哥哥!!

每次當waiter哥哥行近,

彤彤就會立即同waiter哥哥揮手&笑!!

咁我就問彤彤 : 你係咪有小小鍾意左佢呀??

佢竟然掩住口仔偷笑!!!

真係人細鬼大!!

呢一餐真係好好食...

雖然貴.. 但可以食回本!!!

有冇人想去呀?  我可以陪你地食多次架!!

JWT Gym

呢一堂gym我地要特別鳴謝仁哥...

因為呢一日媽媽要返工, 只有彤爸同彤彤去gym,

咁彤爸又口多多叫仁哥一起去埋gym幫佢影相,

咁仁哥就give up 左佢d休息時間做左today既攝影師啦!!!

豬彤雞又一起上gym啦...

又到吹波波時間啦..

彤彤開始鍾意波波啦..

不過豬豬就唔係好like啦...

大家都玩得好開心!!!

豬豬最愛都係綠色波波,

次次去到都要拎實個綠色波波呀!!

swing佢地真係好似唔多鍾意坐呀!!

宜家坐唔會笑啦..

唔通swing係要出面公園果d先係好d???

彤爸..上完一堂gym係咪好辛苦呢??

真係唔只BB做 gym 呀, 連大人都要做埋gym呀!!

再一次多謝同埋唔該晒仁哥幫我地影左咁多靚相呀!!

天寒地凍打邊爐

忽冷忽熱既天氣真係令人討厭...

呢一日又係寒流襲港既超凍星期五,

適逢明天又唔洗返工,

我地四家人決定去打邊爐呀!!!

呢一次我地係出街打,

因為決定得太急啦, 趕唔切買野架啦!!!

不過出去打有出去打既好處...

唔洗做, 同埋可以叫好多唔同種類既食物!!!

仁哥因為要介口, 所以冇黎到!!!

不過我地影左好多好好食既野比你睇呀仁哥!!!

牛肉好正, 係和牛...

D蝦重正...好生猛呀.. 重會郁架!!!

湯底有3個蕃茄薯仔湯, 清湯, 同埋沙D湯!!!

重有好多好多野食架..

大人係樹十下十下,

BB係樹食CORN同埋面面!!!

睇下...成枱都係食物, 放都放唔晒!!!

最後黎影番張大合照先...

睇下.. 叫左咁多野, 我地真係可以清晒架!!!

PS. 地下好dirty呀..係彤彤既杰作呀!!