近排食左d乜??

媽媽好鍾意周圍食野..

成日走去試呢樣又試個樣...

不過當彤彤出左世之後就少左四周覓食啦...

因為有d朋友覺得帶住bb出去食野係好煩..

所以約會都少左啦...

都有d唔太開心呀..

不過見到彤彤就好似見到好味食物咁啦...

試新食物既機會雖然少左,

不過仍有去食一d大路d既野...

同大家分享下啦...

*******

近排食左d乜??

去左食越南野,

有春捲

蟹餅 (有d似蝦餅)

牛油雞翅 (好味) & 串燒 (有d乾)

河粉

d野食都好呀食....

值得推介比大家,

因為唔太多人,

又可能放倒bb車...

********

有一晚同左婆婆去左九龍城食素...

隻煙雞做得幾好味...

本來叫左南瓜翅,

但佢冇落到單...

下次先啦....

*******

一直以黎都好想食Italian d 蛋糕...

行豬豬島時見到呢間餐廳唔洗排隊所以去試下先....

呢件係栗子千層蛋糕...

有好多栗子蓉,

同埋有好多層...

不過因為係拿破倫皮,

所以有d "un" ....

但味道係ok呀.....

*******

有樓呀!!

今日係彤彤呢生人第一次買"樓'呀!!!

話說今日係假期後第一日返工,

媽媽返night shift,

晚上放左工返到屋企後都要差不多9點啦...

因為EE6時放工,

所以嫲嫲就去接左彤彤先...

嫲嫲平日會餵彤彤食粥粥,

然後彤彤會瞓一陣等我地放工回家後就接佢返屋企啦...

今日當我放工返黎就見到眼仔濕濕既彤彤...

而嫲嫲就手握著一隻雞蛋幫彤彤LOOK緊頭仔...

再睇真D..

彤彤右上額有一隻好似雞蛋咁大既樓...

好大好紫呀...

媽媽見到好肉痛呀...

問下嫲嫲點解會咁...

嫲嫲話今日如常餵彤彤食粥粥&瞓覺,

點知彤彤瞓左個零鐘倒就聽見彤彤大喊,

入去睇睇見到彤彤個頭仔起了樓...

所以即刻同佢LOOK雞蛋...

呢D都算係家居意外..

宜家佢地行動快左又識爬真係要小心D呀..

女仔黎架..

破左相就唔好啦...

不過其實媽媽一早expect左有呢一日...

因為彤彤呢個NAUGHTY既小朋友真係遲早會受傷..

不過媽媽估唔倒咁快...

雖然媽媽口話expected...

不過見到個間樓咁大間真係有d肉痛呀...

晚上媽媽安撫了彤彤入睡後就立即跑落樓下去買藥膏幫彤彤搽啦...

希望搽左聽日冇咁紫啦...

彤彤.. 你要乖d呀.. 唔好再攪攪震啦!!!

四天復活節假期...

四天復活節假期話咁快就完晒啦...

呢四日EE都冇黎幫手...

感覺好似返番去放緊產假既時候... 

雖然係有DD吃力,

但好開心...

因為呢次同7個月前唔同既係彤彤大個左好多啦..

再唔係食飽就瞓瞓瞓...

食飽飽佢就會同我地玩玩玩..

重玩到卡卡聲笑呀!!!

媽媽又利用呢幾日教左彤彤一D野...

例如:  拜拜, 請請, 拍拍手 等....

我睇佢應該係識既..

不過有D懶唔多肯做啦!!

呢幾日彤彤一日兩餐既粥仔都係媽媽煲既添...

有節瓜梅頭粥, 紅蘿蔔梅頭, 節瓜三文魚粥, 蕃薯粥...

發覺彤彤鍾意食粥多過食奶....

食粥仔佢會正經d,

食奶奶就要同佢唱歌仔&tum下咁啦...

連續幾日假期冇乜點出去.. 

只係同彤彤係屋企玩玩玩...

呢幾日真係好relax..

唔知幾時又再有長假呢??

又唔知彤彤經過左呢幾日媽媽爸爸陪係身邊,

之後佢會唔會唔習慣呢??

床仔要降低啦

彤彤自細細個以黎都好鍾意人地抱住佢彈彈下..

到左宜家佢對腳仔有力可以扶住D床邊企係道跳跳下啦...

見到好似好得意,

不過贂真D彤彤下真係幾牙煙呀...

佢有時naughty到想用床邊既公仔借力拉自起自己企係道...

不過當然唔得啦...

因為佢重未識自己扶住d野起身...

見到有幾日假期,

爸爸終於dig起心肝去將床仔降低d啦..

因為真係好危險呀..

好怕佢跳跳下跳左出黎呀!!!

認人啦...

一直以黎都以為彤彤未開始認人..

雖然佢見到d陌生人會不停咁scan人,

但佢乜人都跟架.... 

你地可以試下叫彤彤跟你地去街街,

佢會諗一陣,

然後就會撲過黎你地道啦....

不過終於比我發現到一樣野...

原來彤彤係認得人呀..

佢好認得媽媽我!!!

事原係咁既...

每日我放工返屋企都會立即洗手...

彤彤係地毯上玩緊...

見到我行過就望住我...

點知我冇理佢直入洗手間佢就立即爬出黎找我...

跟住爸爸見佢係咁嘈就抱起佢...

佢竟然推開爸爸然後繼續叫...

嫲嫲抱佢,佢都唔要...

到我去完洗手間出黎彤彤就爬黎我腳道舉起雙手示意要我抱...

我抱起左佢之後佢好開心又好乖咁坐係我大脾道睇電視啦...

原來彤彤想要我抱佢呀.. 

個一剎那真係好開心!!!

自從呢件事後我特地留意下彤彤...

發覺當媽媽行近佢時,

佢就會笑得特別開心以及郁手郁腳要我抱啦...

雖然媽媽要返工,

照顧彤彤既時間又唔多,

但原來咁佢都好黐我...

真係有d安慰啦!!!!

彤彤, 就算媽媽有幾忙都會全心全意去照顧你呀!!!

不過梗係你都要合作啦...

PS.  因為爸爸冇份, 所以爸爸有d嬲呀!!!!

請大家多多支持!!!

貪玩既媽媽上網個陣發現到she mom招募小model,

所以就立即send左彤彤呢張相上去啦...

由宜家直到4月12日大家可以去以下呢個網投票呀!!!

http://shemom.com/babymodel/index.cfm

投票不限次數....

請大家踴躍投票!!!

謝謝!!! 

彤彤的兒童節 (Part 3)

飲完茶我地就同彤彤返左屋企瞓一陣先啦!!

因我夜d又要再出動啦!!

我地約左小雞同瑤瑤一起去吾家吳居道倒亂呀!!

呢日我地又係三缺一呀,

因為豬豬病左呀...

希望豬豬你快d好番啦...

我地好掛住係呀!!

*****

吾家吳居bb叫Abby,

佢好乖呀!!

又唔會亂攪野!!

原來7個月大既佢地雖然唔識講野但已經交流啦!!!

佢地四個一見面就密密傾啦!!

傾傾下計彤彤又爬左去啦....

真係冇時停!!

小雞走去叫彤彤返黎,

但彤彤一於好少理重好似想蝦小雞呀!!

好左媽媽係道...

Sorry呀小雞, 彤彤係一個好粗魯既女仔黎架!!

.

Abby 見到咁既情形就去瞓覺先啦!!

而瑤瑤都係眼瞓所以要媽媽抱住!!!

剩下彤彤&小雞係道玩!!

彤彤不停係道咬Abby既玩具...

Abby媽真係唔好意思啦!!!

當日最naughty既bb就係彤彤啦!

你地睇下佢坐係Winnie the Pooh 個森林入面都可以爬出黎架!!

邊有小朋友玩到咁呀!!

玩到咁上下彤彤夠鐘食粥仔啦...

又係三文魚節瓜粥..

小雞見到唔想食,

相反瑤瑤睇到口水流!!!

彤彤食飽飽後Abby亦都起身啦,

而我地大人地肚仔都餓啦...

所以我地轉地方,

去左Elements既漁喜小廚食飯啦..

好彩佢地比左張枱我地係死角位,

如果唔係我地一定比人投訴呀...

因為我地都幾嘈呀!!!

晚飯時豬媽黎左join我地,

豬豬就係屋企瞓覺啦!!!

豬豬下次係要出黎同我地玩呀!!!

好彩有豬媽係道幫手湊下瑤瑤,

咁瑤媽可以食下飯啦!!!

最乖都係Abby,

成餐飯冇嘈過!!

小雞就瞓緊覺...

而彤彤就係道扭眼瞓啦!!!

食飽飽影番張大合照先...

呢一日雖然連跑3埸,

不過真係過得好開心呀!!!

多謝Abby媽招待我地上黎玩!!!

下次如果大家唔怕細可以來我地屋企啦...

PS. 重要多謝雞爸... 因為佢為BB們準備左兒童節禮物呀!!!