Boxing Day - 拆禮物

一日走左3場之後我地就返屋企啦..

雖然好累, 不過好開心!!!

係Boxing Day呢一日完結之前, 我地要做埋Boxing Day 既指定動作 - 拆禮物!!!

彤彤見到d禮物好開心呀..

重好合作咁企定定比我地影相!!!

多謝 婆婆, auntie, uncle, 哥哥, 姐姐, 契媽, 親戚及好朋友仔對彤彤既愛戴...

彤彤好鍾意d禮物呀!!!

有衫仔鞋仔, 有玩具, 又有袋仔!!!

彤彤見到d玩具好想立即拆呀..

你睇下佢個樣就知佢幾想玩架啦...

不過媽媽梗係唔會一次過比晒你玩啦..

媽媽只係會開左大件果D玩具先...

因為大件果D太大啦..收埋唔倒...hahaha

好啦... 夜啦... 拆禮物完食奶奶瞓覺覺豬啦..

你地睇下, 彤彤真係貪靚,

食住奶奶都要著對新鞋仔, 又唔比我地除番出黎!!! 

再一次多謝大家對彤彤既厚愛呀!!!

祝大家聖誕快樂呀!!!

聖誕節BB"大"派地

以前聖誕節一到就梗係不停咁去party啦..

而家有左bb都係一樣不停咁去party呀!!

繼昨晚係4小b開完平安夜party後,

我地今日就去左豬媽屋企開聖誕party呀!!

開party之前我地準備在一d小禮物比bb們呀....

希望你地鍾意啦!!!

嘩.... 好彩豬媽屋企夠大呀, 因為今晚實左好多人同埋好多bb呀!!

除左4小b之外重有波仔, Lincoln, Stella, 同埋爆炸!!

好耐冇見過你地啦, 好掛住你地呀!!!

見到你地大家一起玩好開心呀..

呢一晚好似去左playgroup咁呀!!!

注意下面左上既一張相, 名為肥爸與肥仔, 瘦爸與瘦仔!!

我地呢一晚叫左有好多好多野食呀!!!

有板長既壽司, Pizza, 飯, 意粉, Salad, 雞翼, 春卷, 同埋聖誕必備 - 火雞呀!!!

真係多到食唔晒...

樣樣都好好食.. 我地食到好好好飽呀!!!

食飽飽, 到左抽禮物既時間啦...

大家都準備左一份禮物黎交換抽呀!!

最攪笑既係瑤瑤抽到波仔果份...

係一個大袋呀.. 大到足夠袋左瑤瑤落去呀!!!

交換完禮物後, 又到大合照時間啦!!!

真係唔影相都睇唔出有咁多人呀!!!

之後大家都開始離去啦...

我地趁住D人走晒, 我地係豬媽屋企借聖誕樹黎影張相先!!!

出年豬家同埋瑤家就會多一個成員啦...

4小b你地唔好蝦兩個小bb呀!!!

雞家出年都會變一家4口啦.. 等我借彤彤比你地感受一下先!!

係咪好好好正呀??

到我地彤定影啦...

終於有一張好HOME FEEL既聖誕相啦!!!

呢一晚呢個8B 大Party真係好開心...

好多謝豬家既熱情招待...

我地玩到你成屋亂晒!!!

我地走左之後你地一定有排tidy up呀!!

真係唔好意思呀!!!

不過我地真係真係玩得好開心呀!!!

出年我地都要再開party 呀!!!

4b平安夜派對...

比起上一年既平安夜4b大左好多呀!!!

佢地個個宜家都會行會走啦...

所以我地又約埋一起幫4b攪左一個平安夜mini party!!!

一黎到趁住未warm up, 影張大合照先!!!

大家都坐到好定定呀!!!

雞雞同瑤瑤, 你地紅pok pok好有聖誕氣氛喎!!!

今晚連o豬都落埋黎同大家玩呀!!!

彤彤好鍾意餵人食野飲野,

呢一晚佢又找到餵既對像啦 - 就係雞雞啦!!!

不過雞雞都好有風度呀, 佢又餵番彤彤飲!!!

是晚特別節目 - 玩雞雞既金髮

戴左假髮既瑤瑤好得意喎...

不過瑤瑤唔係咁鍾意, 重唔肯行埋去戴左假髮既瑤爸身旁呀!!!

不過豬豬就唔多LIKE個假髮啦..  一見到就喊啦!!!

到我地開飯啦...

是日精選係泰發, 日本野, 同埋珍珠奶茶!!!

好好味呀!!!

重有Ceres Boulangerie et Patisserie 既 Blueburry Cheese Cake!!!

好好味呀!!!

女仔真係女仔, 見到甜甜既Cake都吸引晒過黎...

睇下佢地切cake時幾專心!!!

食飽飽, 我地開始setup個場地影相啦...

睇下幾多禮物, BB們好開心呀!!!

每家人影張相先!!!

好有聖誕氣氛喎...

之後就係交換禮物啦...

多謝晒呀豬豬, 瑤瑤, 雞雞....

不過記住唔好拆住呀..

要等到Boxing Day 先可拆架!!!

到大合照時間啦!!!

O豬都有份呀!!!

4小b & family 祝願聖誕大家快樂呀!!

雞雞彤彤 CATWALK SHOW!!!

雞雞同彤彤參加左SHEMON舉辦既CAT WALK 比賽..

主辦單有5個獎...我地就向住呢5個獎諗下點同佢地扮下野...

有最具聖誕氣氛造型、最型爆寶寶、最有潛質模特兒、最具魅力寶寶及最有儀態寶寶。

不過呢幾個造型都好似唔係好啱彤彤...

經過型像指導彤爸既細心思考後, 決定彤彤係向型爆造型進發!!!

而雞雞就係一個聖誕超級撒亞人造型加埋金頭髮...

去到會場登記過後我地就比兩個小B走下warm up 下啦..

佢地兩個心情都唔錯呀!!!

周圍行黎行去之餘重肯同我地影下相...

在場都有攝影師係樹...

不過我覺得呢個攝影師一味追住雞雞彤彤影相...

唔通佢地真係咁outstanding??

到左我地出場行catwalk啦...

彤彤初初一出場表現都ok..

一路行一路揮手,

不過一行到台中間佢就要鬆開我手想自己行自己既貓步啦...

梗係唔得啦.. 地下係有線跟架..點可以自行架...

衰左....

而雞雞呢??

因為肚仔餓既關係要雞媽抱住行....

變左雞媽行catwalk...

又衰埋....

不過我地都好有體育精神架...

雖然知道係衰硬, 我地都留低聽埋結果先啦!!!

結果供報完, 我地立即鬆人啦..

因為大人都好肚餓啦!!!

我地入番去cyberport lobby同佢地換埋片先...

一入到lobby, 兩個bb好開心周圍走...

彤彤又想抽雞雞水啦...

見到佢地咁high,

我地又要嘗試下比金髮雞雞..

不過雞雞都唔係好like...

彤彤重要左旁幫拖, 幫雞雞除呀!!!

真係夠朋友呀!

除左之後重要自己用戴呀!!

真係估你唔到...

平時hat都唔肯戴既彤彤竟然肯戴金髮..

用左之後重要流露出一個好串既眼神...

真係比你激c啦!!!

見到呢道又冇乜人, 又有一個好大既Christmas Tree, 咁我地就係道影張家庭相先啦..

屋企有隻Monkey係樹都冇乜機會可以放christmas tree架啦...

影左一大輪相, 我地真係要出發去醫肚啦...

我地去左灣仔金鳳茶餐廳食佢最出名既奶茶同egg tart!!!

不過要等左一陣位呀!! 

重有好好味既菠羅油呀!!!

兩個bb就食蛋糕仔呀!!!

食飽飽, 我地去左supermarket行一陣就走啦...

兩個bb係supermarket玩推車仔...

超攪笑....

呢一日雖然catwalk 衰左...

不過我地都玩得好開心呀!!!

出年要有充足既準備再去行過!!!

******************************