菜園村導賞團

大家都病左成個星期啦,

係時候出黎走下呼吸下大自然既空氣啦!!

自從上一次去左菜園村行左一陣之後,

仁哥再發現菜園村有d導賞團...

所以我地就仁哥就同我地&瑤家一起參加呢個團啦!!

大家2pm 約好左係西站出發啦!!!

呢一次係BB們第一次跟團出發去旅行喎!!!

去到西站, 我地遲左小小..

不過好彩都唔係我地最遲!!!

等好晒人我地就搭巴士去到錦田既一條小村開始我地既旅程啦..

導遊係村民自己做番..

有任何人會熟得過佢地架啦..

佢地話攪呢個團係想多d人認識菜園村呢個地方啦!!

聽村民講呢道行入去就可以一直通到我地上次去既菜園村啦.. 即係八鄉...

開始行果陣有小小雨粉,

不過好快冇啦..

彤彤差不多大半程係瞓左架..

好呀.. 因為對bb黎講都係有小小難行架..

特別係彤彤又唔比人拖, 又唔比人抱,

所以媽媽情願揹住彤彤行呀!!

其實係呢d村入面行真係好舒服...

周圍都有好多好多綠色既野, 同埋田園..

真係同出面市區唔同呀.. 好relax!!!

呢一次真係一個好難得既機會呀!!

因為上次自己黎都唔會識行到入黎呀!!

我地宜家企緊既呢條tunnel,

就係在大運d水黎hk架...

呢道一草一木,

一屋一橋都係村民佢地一手一腳做架..

所以冇左條村大家都覺好可惜...

就連呢間小小既church都係d村民做架!!!

一路行都見到好多agreement 既文件...

呢d文件係關收地架..

好多好多地都係有呢d agreement 放左係樹...

即係好多塊都會被收番啦...

行左差不多一半, 我地去到村長屋企,

村長做左湯圓同埋糖水比我地食..

又有其他村民同我地講解下收左佢地既地對佢地有乜影響..

彤彤好知時間呀..

當我地食野既時間佢就起身啦..

咁雞彤瑤就可以趁機比佢地落地鬆一下腳仔啦!!!

食飽又休息夠之後我地就繼續我地既旅程啦...

最後一站就係我地上次黎既菜園村入口...

呢道過年個陣重攪過一個聚會...

畫左好多好多圖畫係地上面!!!

BB們好開心又係樹跑跑跑...

跟住我地再去菜園村工作社果樹同菜園村既人影左張相先走..

大家都好累啦..

就係咁... 2個hr既菜園村導賞團之旅就完成左啦!!!

之後去左大榮華食埋飯就各自回去啦..

呢一日真係過得好充實同埋好開心呀!!!

是日推介:

點解平時咁c文既瑤瑤會咁惡架??

好開心既3b..

手拖手, 跑跑跑..

你地第日大個左都要咁好朋友呀!!