中秋 ... 月餅

今年既中秋節對我黎講同4年前既冇咩分別....

4 年前彤彤出生, 又係9月, 又係近中秋...

坐月中既我梗係邊樹都唔去得啦...

而今年妹妹出生又係9 月, 又係近中秋...

所以我都係同妹妹一起過架啦...

坐月 ... 開完刀 ...  月餅有蛋 ... 所以都唔夠膽食...

算吧啦.. 食個生果吧啦...


Anyway... 今日同大家介紹一下今年我地既月餅...

呢個係bank 送比婆婆架...

SHANGRI-LA ...

佢地既出品係新潮果D奶皇月餅....

睇個BOX 已經FEEL到好味啦...

入面係細細個架...

重要係玻宮既出品...

好想食...

不過唔食得....

希望下午D BANKER都送啦!!!!

重有唔少得既係媽媽親手做既奶皇月餅...

同埋冰皮月餅...

出年想大量製作送比朋友...

希望成功....

另有2 BOX 九龍酒店奶皇月餅... 

不過冇影相就送了比人啦... 

聽人講話九龍酒店好食過半島酒店... 

呢個唔知啦.. 

出年試下先... 

最後就係美心傳統月餅... 

呢個唔洗影啦... 

年年都係同一個樣架啦!!!

中秋 ... 花燈

中秋節, 最開心既就係細路仔啦...

因為有假放, 又有花燈玩...

今年, 彤彤又大左一年, 佢開始知道咩叫中秋節啦...

同埋中秋節有咩食...

總算交了學費都有回報下... HAHAHAHA

講番花燈先...

係呀.. 今年買比彤彤既係"樣"傳統小小既花燈...
因為本人唔太LIKE果D 吹氣既花燈.... 

因為佢地有音樂跟.... 好嘈呀!!!

經過紙札鋪見到有D傳統花燈立即叫彤彤選個先... 

嘩... 原來宜家D花燈真係好多款架...

同埋細細個, 比小朋友拎住方便好多...

青蜓....

好可愛既CRAB呀!!!



LITTLE TURTLE!!!

重要係金色... 好意頭...



最可愛係呢條小魚...

大家估下彤彤要左咩???

。　

。　

。　

。　

。

。

好SURPRISE地, 彤彤選了佢手上呢個STAR 既花燈...

平凡又唔浮誇!!! GOOD TASTE... 

大家見唔見到佢身邊呢隻大大既RABBIT 花燈... $1300 呀!!!

唔知咩人會買呢？？？

十二朝。。

唔經唔覺妹妹出世已十二天了，

即我們中國人的十二朝，可以請大家食薑醋啦！

呢十二日媽媽我都過得0K啦！

有陪月幫手，舒服過上一次生彤彤！

有得食，有得休息爭好遠！

不過食得好，休息夠自然會肥！

所以希望坐完月可以順利收番身就好啦！！

至於妹妹雖然係細細B，

但到宜家12日人仔大由60ml 已食到90ml 啦！

早上時段係食媽媽奶，而半夜就奶粉！

希望滿月後可以快D介到夜奶，咁媽媽不用半夜起身！


今天滿月，陪月EE準備了雞油同埋薑醋，

朋友仔歡迎你地隨時上黍食呀！

十二朝。。

再次懷B的感覺。。。

今次再懷B既感覺同上次好唔同！

上次有彤彤時，全係honeymoon period!!!

話曬第一個錫身D！！

冇小朋友既期待，全程shop shop shop,

同朋友仔吃喝玩樂至最後一分鐘！

不過話時話，上次陀B真係輕鬆過呢一次！

行動自如不在話（因彤彤冇掉過頭），

所以去玩，行街全不是問題！

今次陀妹唔同晒啦！

因為有彤彤家姐姐，所以日常生活仍要照顧彤彤！

休息都其實冇咩點休息過！

不過今次陀感覺同上一次係非常之不同添！

今次多湯水多左好多！

BB既SIZE 係可以跟定懷孕既月増長..

不過直到尾段開始慢番啦...

因為個人唔舒服要比迫停湯水啦...

重有, 重點係BB今次掉轉左頭仔...

所以今次有肚墜的感覺...

醫生一度都有驚BB會提早出黎...

肚墜... 好重.. 所以今次所有動作都好慢好慢....

樓梯更加係好怕行... 行得多會快生D!!!

好好彩, 比我捱到9月16好先黎作動...

等我有機會ON SCHEDULE完成晒大部既野...

早都只係早了幾個鍾出黎既妹妹...

雖然係因為媽媽病之後加磅加得慢左D ....

不過最緊要健康!!!!

今次, 又覺得好叻..

因為上次餵人奶唔成功...

而呢一次呢.

 雖然妹妹都係埋身唔會啜..

不過經PUMP 呢個方法媽媽都PUMP 到好多好多奶...

希望妹妹食多D..


ＰＳ。　大家見到上面既相知唔知道邊個係彤彤, 邊個係妹妹呢???

細B出世了！

各位，今日同大家介紹一個新成員呀！

就係佢啦！

估下係男仔定女仔？

冇錯，係彤彤既妹妹！

妹妹好曳呀，原本schedule 左預產期係月尾，

但係佢就係尋日（16／9）等媽媽去完街，

撹完彤彤家姐姐瞓覚，媽媽洗完白白準備上床休息之際就想出來啦！

9點幾feel到有痛，子宮收縮，心知不妙！

打電話，wa 問朋友仔，佢地話應該末有咁快，叫我瞓床休息！

好啦，休息下，希望可以快D冇事！

但宮縮好似密左！15 分鐘一次！

朋友仔話末穿水應不是，有時宮縮會有幾日！

但，就係10：30pm 突然feel 到po一下，穿水啦！

唔係呀！我產假剛剛開始，比我休息幾日先都好呀！

但，冇辨法，穿水之後見小小紅，所以迫住要去醫院啦！

好彩我尋日已經執好個走佬袋啦！

就係咁，舅父車了我地去醫院....

去到做了一大輪檢查之後就入手術室啦！

陣痛果時升到5分鐘一次！

最後妺妺就係17／9凌晨出世啦！

最近

又係又篇大雜會既blog...

在教協買左一d練習比彤彤做...

又唔太貴呀.. $10內...

每日一page..當玩下...

k2啦.. 要train 下佢等佢唔好咁懶啦...



原來ELEMENTS 既丼丼屋既menu同出面既丼丼屋menu 係唔同架...

價錢貴d, 不過好食d ...

彤爸既炸oyster 飯...

我既魚生飯...

真係好好好好味..

特別係大波.... 好多呀!!!

媽媽呢期最滿意既作品..

亦係彤彤生日會既回禮物..

大人, 小朋友都好like呀!!!

大家如果like既我好樂意幫大家做架...

婆婆同舅父去完台灣旅行買了呢隻brand既pinapple 餅比我地食..

又幾好味呀...

同埋入面d pineapple 肉真係肉黎架... 

原來重有pineapple juice架..

不過juice 未試過好唔好飲...

大家去台灣可以考慮一下去呢間sunnyhills 買手信呀!

除左呢隻之外重有一隻黑色既....

係竹炭...

開入面睇...

連d pineapple都係黑色架...

又幾好味呀...

不過甜左dd ... 

彤彤既另一個b'day cake,

係美心天使旦糕...

有mango 係入面...

不過cream 多左d姐... 

好緊既吹candle時間呀!!!

彤爸近期既作品...

大家估下係咩黎....

係咪好靚呢...

 

原來係usb黎架...

有條鏈可以穿住佢架...

重可以同佢換衫tim!!!

某日lunch 買既包包...

呢個好味喎, 肉醬意味...

熱食時d cheese 流出來架...

等接彤彤放英文班,

附近開了一家新餐廳...

同婆去試下早餐先...

不過真係有d貴...

但.. 食落又幾好味呀!!!

不過下次想試既係lunch or dinner.. 

中秋月餅 (Part 2) 酥皮

好 ... 休息左一陣次長下半場酥皮月餅...

呢d新潮酥皮月餅既皮係用面粉, butter, 吉士粉搓出黎架...

重有入面既fillings, 係奶皇...

老師suggest 奶皇不要自己做, 因為好煩架..

市面係有得賣的!!!

當然重有咸旦黃啦...

好啦... step 就係將粉同埋butter mix 好先..

之後可以加入旦液再mix成一團

之後就切開一個個, 再搓...

呢個就係皮啦..

至於入面既fillings, 我地就都要搓埋,

將個皮包住個fillings...



之後就可以放入模樹印啦..

係咪好靚呢...

焗完出來既效果...

不過我覺得不太夠色...

掃旦液不夠..

下次在家要掃多小小!!!!

入左box 又好似好d...

食後感覺...

ok ... 唔太oily...

不過suggest 唔好一出oven立即食...

起碼都要放一日先...

因為 立即食會覺得個皮太crispy!!!

yeah... 原來咁易做.... 出年可以大量生產啦!!!!

中秋月餅 (Part 1) 冰皮

中秋又快到啦...

又係月餅既時候...

其實婆婆係會做月餅架...

不過係傅統果d...

我都跟過佢做一次., 興趣不大.. 因為傳統既月餅 (即美心果d) 真係用好多好多油架... 

見到都驚啦!!!

不過, 宜家市面上出左好多新潮既月餅, eg. 大班冰皮, 又半島既so皮...

而市面上有好多團購既月餅班係學呢d架... ...

因為朋友仔推介, 咁就一起熱熱鬧鬧去玩啦..

***************************************************

今晚我地就一大班人一起去啦..

我啦, m姐姐同埋mag姐姐就選擇學2班, 冰皮同埋so 皮,

而其他朋友仔就只係學酥皮...

***************************************************

一晚上晒2班.. 好... 一次過...

7:00pm 冰皮先..

做冰皮原來即係做羅米池一樣既方法...

將d粉蒸熟晒之後準備埋入面果d 料就可以包...

今日, 我地可以做到8個冰皮月餅...

有綠茶味啦, 芝ma味啦, 綠豆蓉, 同埋紅豆蓉....

製作好簡單姐...

只要將蒸好既粉分開一個個粉團, 再搓搓搓,

包埋茶味啦, 芝ma味啦, 綠豆蓉, or 紅豆蓉 入去,

再印埋模便成功...

冰皮朋餅模原來有好多唔同公仔架..

有kitty, ding dong, pooh 等..

大家睇下係咪好可愛呢!!!

*********************************************************************************

下一part 係睇下酥皮月餅既製作啦...

兒童玩具...

其實我真係好小買玩具比彤彤玩..

不過最近比我見到一d有益又學到野既玩具,

所以媽媽都買左一d 比彤彤玩..

呢d玩具有 ... zingo.. 好似bingo 原理...

等小朋友可以專心d, 同埋認到英文字啦..

約埋一班朋友仔玩幾好架..

呢本work book 好好玩..

又colourful, 不但吸引到小朋友, 連我見到都好like 呀!!

呢本只係第一本, 大d重有另一本..

呢本係教小朋友用scissors剪野...

見彤彤學校老師有教佢地用scissors,

咁就買了一d 比彤彤學習下啦..

呢本大既kumon 出既好吸引..

好好.. 由剪直線到曲線...

剪完d 圖畫重可以用黎玩遊戲呀!!

重有呢d小手工,

跟數字貼番d顏色貼紙落去..

做完好靚架...

小朋友重會好有成功感呀!!!

最後係呢d小砌砌,

細細包唔貴,

可以好createive 咁比小朋友design 想砌晒..

同埋細細袋拎出街玩又方便呀!!!

呢堆玩具同埋小手工唔貴又好玩..

係媽媽致愛...

媽媽會繼續找尋一d有益又有趣味既玩具比彤彤架...