媽媽的決擇。。。

妹妹呢幾日真係作反啦..

日頭瞓唔倒成日扭，好忟！

喊得一陣之後我就咪抱佢幾分鐘啦！

妹妹跟住就瞓左！

但一放番去床仔就醒左！

抱住又瞓番！

陪月EE話可能係缺乏安全感，所以不能夠自然入睡！

加上我們的家姐仔彤彤成日係屋企大聲唱歌，笑，玩玩具又撹下妹妹！

咁既情況之下妺妹點可以安心地入睡呢！

安全感，唔通真係要食咀咀???

其實我地一早買了2個...

不過真係唔知比唔比佢食好..

最好就唔好啦...

上一次彤彤因為成日晚上喊, 忍左一個月既我地終於比佢食...

呢一次係妹妹成日唔可以安然地瞓, 所以考慮緊比唔比妹妹..

同事又發覺當妹妹瞓唔到時, 我地比D水佢飲, 佢不飲, 只係啜住個奶樽既咀 ~ ~ 我更加覺得妹妹係有POTENTIAL 食咀...

其實食咀又唔係唔好事...

起碼好過啜手指 ... 到時介手重難過介咀... 而且隻手指會啜到爆晒架....

同埋又起碼可以BB自己收聲有番D安全感...

而且當工人姐姐一湊二既時間可以令妹妹唔喊...

重有既就係可以快D介到夜奶... HAHAHA..

上次彤彤介夜奶就係半夜比番個咀佢啜!!!

不過... 問題黎啦...

食得易, 介得難...

好好彩, 勁似賴咀咀既彤彤到左2歲突然自己掉左個咀...

媽媽我就心大心細唔知點好....

問過彤爸比唔比咀咀妹妹...

彤爸話要睇下喎....

好好.. 睇下彤爸可以忍到幾時先... HAHAHAHA