母親節 - 婆婆篇

今日我地提前一日同婆婆慶祝母親節...

原本早上就去婆婆道啦,

不過因為爸爸想我地同佢食埋lunch先出發所以改了下午才出動!!

因為知道要出街,

所以早上同彤彤食左奶奶,去左便便,洗埋白白就瞓早覺啦...

彤彤瞓左,

媽媽就利用個d時間快d煮粥仔, pack出街袋同埋自己梳洗啦...

大約一個鐘頭倒突然聽到彤彤大喊,

入去抱番起佢佢又可以瞓番,

喊既原因係對面停車場裝修緊好嘈,

嘈到彤彤瞓唔倒,

所以媽媽又要安撫佢一輪啦...

不過最終都係冇乜點睇架!! 

終於等到下午食埋粥仔我地就出街啦...

食lunch個陣彤彤又係道攪攪震啦...

我地食野佢眼金金望到實...

最後爸爸飲晒比左個杯佢玩..

彤彤一杯到手停係道啜啜啜...

真係好為食呀..

食飽飽後我地就返婆婆屋企覺覺豬啦!!!

去到婆婆道媽媽終於可以休息一陣啦..

因為有婆婆睇住彤彤呀...

*********

晚上去左食素...

原來都好多人..

等好耐先有餸食...

同彤彤不停玩..

因為佢住得太耐又不耐煩...

是日晚餐:

蓮偶

金茹牛肉卷

芋頭魚

炸火米餅

炒貴花翅

鮮竹卷

雜菜煲

節瓜圃

樣樣都好好食...

而我地食緊飯既時候,

彤彤都食.. 不過係食餅餅...

重要食得好dirty呀!!!

食完又走黎模我..

攪到我都dirty埋呀!!!

今年母親節我要照顧彤彤,

所以冇時間買cake,

希望婆婆食呢餐飯開心啦!!!

彤彤上左雜誌呀!!

大約大半個月之前得雞爸告知原來可以send相去親子雜誌做model,

所以我呢個媽媽又貪玩send左彤彤張相去....

佢地又真係叫我地去試鏡喎...

咁媽媽同婆婆就帶彤彤去啦!!!

試鏡當日彤彤既狀態唔係太好...

因為之前個晚趺親個頭呀!!!

影完相個姐姐話睇下用唔用得...

如果用得著就會寄本magazine比我地..

心諗... 講到咁即係冇行啦!!!

點知當我星期六就收到佢地本magazine啦!!!

e...個cover baby唔係彤彤呀...

等我重以為有封面做....

咁彤彤係邊呀??

媽媽係咁睇本書終於比我找到啦!!!

嘩... 彤彤有2板紙呀!!

重令到媽媽 .... 對手都大都有機會上埋鏡呀!!!

因為係教新手爸媽點同bb換片片...

影呢d相個陣係尾聲,

所以彤彤有d唔耐煩,

又有e扭計,

所以要食住奶咀同埋咬住玩具先影倒...

不過好彩都有個大頭相... 嘻嘻...

大家都可以買本雜誌睇下彤彤呀!!

如果大家都好似我咁無聊既可以Send張相去玩下啦...

可以幫BB留下美好回憶呀!!!

5.1閉關假期 (Day 2)

今日係假期第二天...

原定節目係約左吳家, vamama同埋豬家等去赤柱shopping 既,

不過因為彤彤要係屋企休息所以都係取消左啦...

唯有下次再去啦!!!

咁今日我地做左乜野呀？？

我地都係如常係屋企玩下, 瞓下, 食下野咁啦...

不過彤彤今日瞓覺就唔多乖啦....

因為下午只係瞓左１個鐘頭...

真係心野啦, 咁眼瞓都唔肯瞓!!!

********

彤爸嘗試緊自己影相去型造venture效果 ...

都算OK呀...

係欠缺一d燈光效果...

彤爸話影完可以用photoshop加工一下呀!!!

下次可以約埋其他朋友仔book Studio 一起玩啦...

********

下午做左個椰汁馬豆糕....

都ok啦!!

********

晚餐彤彤都係食節瓜粥...

而我地就係叫Ziti's pizza既home delivery啦...

Ziti係大坑,佢地home delivery 唔送東區...

不過佢地宜窕開多左間係Quarry Bay所以就可以有home delivery啦!!!

好食又平過pizza hut 好多...

而Quarry Bay鋪有outdoor area咁可以帶埋BB車都唔怕啦!!!

等彤彤好番d我地可以約埋d朋友仔一起去呀!!

5.1閉關假期 (Day 3)

閉關假期第3天...

今日原定節目係去西貢影相 & bbq,

因為JoJo姐姐apply左禁區permit可以進入去西貢靚d既地方...

就係萬宜水庫啦!!!

呢道有好多電視劇同電影都係個道取影呀!!!

不過媽媽同彤彤就冇得去,因為彤彤仍要休養..

所以只係爸爸一個人去happy呀！！！

唔緊要啦, 希望下次有機會去啦!!!

 咁媽媽同彤彤呢一日做左d乜野呀???

都係日常生活既野啦..

沖涼, 飲奶奶, 食飯飯, 玩玩玩, 瞓瞓瞓...

彤彤唔知係咪知道係假期既最後一天,

所以下午唔係點瞓...

只係瞓左半粒鐘呀!!!

不停係道玩玩玩...

眼瞓到死都唔肯瞓....

所以有d扭計....

呢幾日放假日日係屋企湊住彤彤,

雖然真係好累,不過都幾開心呀..

彤彤係一個好爛玩又活躍既bb...

睇少一陣都唔得呀!!!

唔知湊左幾日可唔可以減倒肥呢??

真係覺得d全職媽媽好叻好偉大呀!!!

晏d, 婆婆就黎同我地玩&食飯啦..

婆婆終於都覺得彤彤係百討冇時停啦...

都覺得彤彤naughty呀!!!

今日媽媽又做左乜野甜品呢??

見到街市芒果當做,

不如做芒果cheese cake !!

係咪好靚呢!!

貪得意放個牌同蠟燭上去... 可以當birthday cake喎...

有冇人生日呀??

5.1閉關假期 (Day 1)

假期第一天...

我地原先係早上約左雞雞一起去爬行比賽,

下午就去瑤瑤媽鋪頭b聚...

不過因為彤彤出玫瑰疹既關係就cancel啦..

其實彤彤d疹已經好得7 7 8 8 啦..

不過為左安全起見我地都係係屋企休息下啦...

咁我地又今又係屋企做左D乜呀??

彤彤8:00am 起身, 飲奶奶, 便便, 沖涼, 後就瞓覺啦...

咁媽媽就趁呢個時機tidy 下屋企同埋焗蛋糕啦...

好耐冇焗過蛋糕啦...

今日就焗左個雪芳蛋糕呀..

呢個係coffee味... 不過我覺得唔夠coffee香..

下次要重手d先得!!!

焗好蛋糕後彤彤就起身啦...

剛好係時候食粥日... 是日粥仔係節瓜粥...

剛剛病好都係食清d好呀!!!

食飽飽玩一陣就sleep啦..

媽媽又可休息一會再準備晚上既蕃薯粥!!!

彤彤今日既表現都算好啦...

食粥同瞓覺都ok呀!!!

只係爛玩d呀..

原來彤彤係比我地想像中重活躍Ｄ呀...

玩到媽媽都好累啦!!

不過冇所謂啦...

只要你健健康康就OK啦!!!

8個月大啦!!

唔經唔覺又8個月啦..

又係時間睇下彤彤呢個月既發展啦!!

一般情況:

體重:  7.45kg

身長: 68cm (自己度唔知準唔準) (可能發左幾日燒會高D呀!!)

牙仔仍然係得下面兩隻...

食野情況:

有3餐奶奶, 兩餐粥仔...

8:00am - 早餐 - 奶奶

12:00nn - 午餐 - 粥仔

3:00pm - 下午茶 - 奶奶,餅餅,水果

6:00pm - 晚餐 - 粥仔

9:30pm - 消夜 - 奶奶

早晚奶奶係 180-200ml,

奶奶唔多愛, 反而粥仔同水果好鍾意...

水又唔多鍾意飲, 所以有時煲下蘋果水, 開奶茶, 或baby juice佢飲...

不過最好梗係要飲多D水水啦!!!

片片:

都係重用緊M size...

有時出街要帶定學習褲, 因為換片時會可停反身偷走...

每日早上一定用痰罐去便便...

每次瞓覺前,瞓醒, 飯前, 飯後, 玩玩下都會同佢坐痰罐...

次次都可以去到 wee wee...

因為天氣開始熱啦..

著住片片會有d焗,

所以遲多個月係屋企既時間會試下只係比褲褲彤彤著,

要訓練下佢介片片啦..

學野方面

~ 重同佢玩緊flash card, 不過有d唔專心啦.. 成日要搶張card黎食...

~ toliet training 算ok啦... 大小都可以在痰罐解決, 而早上去大大識一唔坐一路ng ng 聲 ...

~ 爬行... 最近識運用膝蓋去爬......

~ 企...  識得走去扶住D野企起身...

~ 行... 自己起左身後會扶住"機"仔或床仔邊踏步行....

~ 學習食固體食物- 粥仔, 餅餅, 水果

~ 教緊佢一d簡單既手語 eg.  bye bye,  點蟲蟲, 拍拍手等... 識做,不過唔做... 

~ 好鍾意同小朋友玩,亦好爛玩

~  重未肯發音叫爸爸, 媽媽, 奶奶, 或 mum mum...  只係係就大叫...

瞓覺情況

~ 仍然係自己瞓覺, 不過有時都要拍一陣先肯瞓...

~  超八掛同心野, 八掛情度係好眼瞓都唔肯瞓 

~  有時瞓左隻手仔都不停係道玩...

~  有時瞓瞓下自己會爬起身.. 望兩望又瞓番

~ 上午個覺會由9:30am 瞓到12nn, 下午瞓少d ,瞓大約1-2 鐘頭...

~  晚上瞓覺時都會叫1-2次.. 有時要奶咀, 有時拍下就ok...

Overall

呢個月覺得彤彤進步快左,

由拖住自己身體去爬到宜家同膝蓋去爬..好快..

再自己扶住d野佐起身同埋行..

見到佢有進步媽媽好開心..

不過擔心佢好容易會受傷.. 因為實在太百厭啦!!!

月尾發燒出玫瑰疹...

發左幾日燒, 彤彤瘦左D.. 不過個人拉長左...

見到佢真係好辛苦..

當佢一好番dd就立即冇時停啦!!!

希望唔好再病啦!!!