糖百府

夏天就黎完啦...

不過彤彤呢個夏天只係游過一次水呀..

呢一日, 雞瑤豬又約彤彤去游水啦..

不過因為爸爸媽媽要去睇樓所以彤彤就冇得去啦..

買左游水片同埋船仔都未用過呀!!!

希望before天氣轉凍之前可以去一次啦!!

***********************************

Anyway, 爸爸媽媽做好晒所有野之後就剛好收到雞媽電話...

原來佢地重係瑤媽shop未走啦...

所以我地就拿拿淋趕去一聚聚啦!!!

去到見到雞雞同豬豬係道玩緊呀!!!

彤彤如果唔係係婆婆道瞓緊覺就一定落埋黎一起玩啦!!!

雞雞生完日真係大個仔樣好多喎...

好正經呀.. 又乖乖...

豬豬好叻呀...

行得好好同埋識講好多野tim...

成日都爸爸同埋apple...

豬豬, 你把聲好好聽, 好女仔, 好可愛呀..

如果彤彤好似你咁女仔就好啦!!

瑤瑤剛起身...

成日拖住朱太行行行...

又係道偷望我地..

好得意呀!!

同小朋友玩完之後我地大人們就出發去食糖水啦..

我地呢一次既目的地就係阿So都有介紹過既糖百府啦....

原本係諗住買外賣返黎食既...

不過因為我地想食既雪花冰係冇得外賣架...

所以唯有一行入去食啦!!

嘩..唔知係咪阿So介紹過,

我地去到既時候係4點幾都要等位...

有位既時候我地重要分枱坐呀...

真係好多人架...

我地媽媽們要好好享受下糖水呀...所以靚媽媽一枱...

而爸爸就同埋bb一枱...

呢一日我地叫呢幾款冰冰share黎食...

可以食多幾款味呀!!

最愛既係石榴冰冰...

因為一食落口有種好fresh既感覺呀!!

其餘既冰冰都好好食...

而且唔係太甜...

係咁熱既天氣食冰冰..真係透心涼呀!!!

仁哥唔係冰冰...

佢叫左黑珍珠...

睇個樣都好好食喎...係咪呀仁哥??

食飽飽係時候返去接番彤彤同埋婆婆出去食飯飯啦...

呢一晚彤彤好開心..

因為食飽飽後, 婆婆拖住彤彤係商場行行行...

起初彤彤唔係太夠膽行..

成日想人抱..

不過行多一陣之後佢就夠膽啦!!

但彤彤都唔係太行得穩...

因為彤彤行行太快同埋太大步啦...

彤彤..你要好似豬豬咁慢慢細細步行先唔怕趺倒架!!!