係好多好多個月之前M姐姐不停叫我去陪佢參加渣打馬拉松,
因為契媽約左M姐姐一起跑...
有伴喎.. 同埋M姐姐話佢會行多過走架...
因為咁既原固, 咁我就膽粗粗應誠佢啦..
應誠個一刻真係有d驚架, 因為怕同自己體力唔夠連累左M姐姐同埋契媽呀!!!
不過唔理咁多啦..
好耐冇試過一起出黎玩啦...
點辛苦我都會撐住架!!
咁到左差不多馬拉松既日子就收到M姐姐既壞消息,
因為佢係渣打員工, 佢地要早我地一個hr去跑呀...
哎呀.. c 啦... 點算好...
原本M姐姐話會同一起我行晒全程... 宜家點呀!!
好彩, 重有契媽陪我...
不過有契媽陪我重擔心...
因為契媽係一個運動健將,
而又懶又肥既我真係唔想連累到契媽唔可以係指定時間內完成賽事呀!!!
雖然契媽話佢冇train up 到自己...
不過佢既體能一定好過我好多啦!!!
真係有d擔心架...
不過點都好啦.. 要頂硬上呀, 唔好要令契媽失禮架!!
********************************
2月28日 準時5 am 出發去維園集合!!!
好彩MTR開好早, 3:30am 已經有車啦!
當日早上, 成車人都係去跑馬拉松架...
真係好勁呀!!!
我地開跑既時間係6:30am,
所以一到步我地就warm up 左自己先!!
源路都有好多打氣既人係樹!!!
真係好熱鬧呀!!!
我同契媽一路跟人群行上去起點區等...
一路行都見到好多Signage 叫我地唔好咁嘈呀!!!
嘩!! 可以行上去東廊睇住呢個維港既景色真係好難得架!!!
重可以睇埋日出呀!!
不過天氣就差d, 好焗呀!!!
差不多開始啦!!
我地一口氣跑左差不多3km先行一陣..
我地係以行下策略係跑下行下...
就係咁我地一路跑下行下咁去到4 km 啦!!
差不多一半!!!
不過重未見水站...
係呢d咁焗既天氣下冇水真係好易會暈架!!!
終於去到5 km 見到水站啦, 有大約5 - 6個counter, 不過有幾個counter係冇水架!!
點解會係咁架... 真係好差既一個安排!!!
下一個水站要到7km先有!!
我地跑既係10 km,
點解只有2個水站咁小??
嘩成地都係垃圾....
終於去到9km 重希少少就完成啦!!
見到終點真係精神D架...
好快我地到左...
我地用左 1 hr 40 min 完成左10 km既跑步!!
呢個成績對自己都有交代啦!!!
原來我都可以做得到架!!!
好多謝契媽同埋我一起跑呢10km呀!!!
跑完晒有紀念品: 有Banana, pear, 餅同埋水!!
下!!! 宜家先比水我地... 應該頭先就比啦!!!
跑完晒我就同契媽行左落去天后嘆番個早餐先!!
不過間間餐廳都好似滿晒...
全部都係馬拉松人黎架!!!
終於找到一間係少d架...
跟住叫埋彤爸同埋彤彤一起黎食個開心早餐!!!
呢一個早上雖然係要好早起身,
不過做左咁多運動又出左一身汗完全冇累既感覺...
重好似後生左呀!!!
彤爸話出年如果有人照顧彤彤佢都想參架呀!!!
沒有留言:
張貼留言