2010下水禮@大清

成日都話趁瑤2未出世要去一次沙灘..

推下推下終於係無可再等既情況之下我地去左啦..

好即興..

因為天氣報告一直都話唔好 - 下雨..

不過今早一起身又幾好天喎,

所以大家快手快腳立即出發啦!!!

呢一次既目的地又係大清..

因為大清d沙同水都靚d!!!

唔知係咪天氣報知話會唔好天所以我地去到時個停車場係冇乜車架..

同埋個天都開始陰陰地啦...

唔理咁多啦,

趁住未落得出雨我地快d去玩左先啦..

呢一既人腳有雞雞, 彤彤, 瑤瑤同埋以正..

一到步我地立即餵飽d bb先去玩..

瑤瑤一到步唔肯落地,

因為d沙dirty!!!

不過出左海玩左一陣就愛上左啦..

雞雞初初都係驚驚..

不過之後又係落左水玩左一陣就high爆啦..

以正就好叻仔, 一d都唔怕..

成個人仔係水爬下爬下呀!!

而彤彤呢.. 又係最勇果個啦...

玩到din晒.. 不停充落水...

真係好興奮呀!!!

重有時間影埋合照先..

玩左一陣, 個天突然落雨,

所以我地一行人又走走走返左去屋仔下避一避,

再pack野走人..

個天都算好啦..

我地玩左差不多2個鍾先黎落雨..

下次好天d一定會再黎玩架!!!