上海之旅 - Day 1 (Part 1)

婆婆 & 舅父佢地去上海玩幾日叫埋我地一起去..

起初都唔知去唔去好..

因為怕同埋BB 一起去旅行會好煩....

不過再諗諗, 又有婆婆舅父幫手真係唔怕去喎...

多D人可以幫我照顧彤彤應該OK架.....

所以就立即同彤彤攪掂晒D 証件先出發啦...

因為媽媽懶惰, 所以回鄉卡要比多$200出快証呀!!!

好彩好彩趕得切..

我地早上搭10:30am 既機..

所以7:45am 準時開車出發去婆婆屋企一起搭巴士去機場...

一切好似好順利... 時間配合得好好..

不過一到到機場就出事啦...

原來同bb去大陸旅行除左有身分證同回鄉卡重要拎埋passport 架..

就係因為冇拎彤彤既passport, 所以check in 既姐姐同我地講彤彤可能唔去到旅行...

下.... 咁點算喎....

嘈左一大輪之後個空姐終於肯幫我地..

同左我地入去immigration 果先問左佢地我地先上得機...

真係好彩.. 如果唔係我地真係冇得去架啦..

因為呢d機票係唔可以轉架..

呢一次係彤彤第一次坐aeroplane..

佢好開心呀.. 見到d aeroplane 不停指住開心叫..

上到機上重開心..

不停攪呢樣, 攪果樣...

樣樣都好新奇..

不過原來彤彤既機票係3份1價錢係冇餐架..

連機上準備比小朋友既玩具都冇喎...

連bb午餐都冇..

好彩媽媽有所準備,

拎定即食飯上機...

而媽媽果份餐就真係唔好食啦..

推餐出黎果下我已經想嘔啦..

所以成份冇食到..

好彩婆婆拎左d bread上機...

同埋只係短短既2hr機程,

唯一係份餐我係食左既野就係呢杯 ice - cream!!!

連彤彤都話好味!!!

而彤彤係臨下機前1/2 鐘瞓著左,

所以呢程機都叫ok啦..

落左機都重

落左機我地好快咁拎晒行李住bus 向靜安寺出發...

因為我地約auntie 係果機等..

之後一起返酒店!!!

我地住既酒店都ok呀..

地方旺中靜...

最正既就係佢地upgrade左我地去去一間好大既套房..

有一張kings size bed,  (不過張床好硬!!)

有2個大電視,

同埋一個好大既toliet!!

不過就係冇bb床啦..

所以彤彤要同埋我地一張床啦!!!

係酒店休息一陣之後我地又出發啦.

上海之旅 - Day 1 (Part 2)

係酒店settle好晒d野我地又出發啦..

我地係去新天地食晚飯...

呢一晚我地去既餐廳唔係果d係香港旅遊天書見到既餐廳,

而係auntie佢地係大陸d magazine 推介既餐廳黎架..

呢間餐廳叫蝶園...

係一間細細既餐廳,

不過好多人..

呢一晚所見我地附近既枱不停番枱再番枱...

至於食物方面都好好味喎...

d人成日話上海既食物好油...

不過以呢一晚既菜好唔多覺喎...

彤彤既蕃茄雞蛋飯..

好開胃.. 食左成大半碗....

手撕喊雞 - 好味.. d 皮又好脆!!!

海拆頭 - 酸地, 好醒胃!!

燻鴨

豬肚絲 - 又係一醒胃冷盆...

烤夫

鎮江肉 & 蛋- 好入味.. 真係一d都唔肥!! 

豆皮煮菜

蟹粉獅子頭 - d蟹粉好好味呀!!

蟹粉豆腐 - 又係超正

炒鱔絲 - 好脆口呀!!

炒菜

雲吞

呢一餐真係好味又好滿足!!!

食飽飽, 見冇落雨我地就行一陣啦..

行下新天地..

新天地比起我幾年前黎冇乜點變...

只係d shop唔同左啦..

上次黎係早上, 而家晚上...

晚上好似靚好多!!

呢間shop法國麵包好好味..

試左一個朱古力架...

真係好正呀!!

行完新天地, 我地去左外灘...

呢道一定要黎架..

因為係上海既旅遊區之一..

好多人都係道影相架留念架..

上次我黎果時又係日頭..

宜家可以睇埋夜景啦!!!

不過因為一路行就一路開始落雨,

所以我地呢一日既行程都要係呢樹完結啦..

我地要快d趕返酒店休息啦..

因為我地要養足精神明天去世博呀!!!

父親節@Disney

父親節, 彤爸第2年既父親節...

呢一日原本我地都冇咩特別安排..

因為彤彤要去pg..

不過因為pg 之後彤彤好累,

一放學就係車上瞓左啦,

正因為咁我地就唔好以車番屋企啦..

因為一挽番屋企就會起身架啦..

為左等彤瞓得好d,

我地唯有不停車一直駛...

行下行下我地就係咁到左Disney 啦..

好啦.. 呢一年既父親節我地就係disney 過啦!!!

到達disney 彤彤已經瞓左1個鍾啦..

都ok 啦.. 而且一到步佢都起左身啦...

入到去又係prade 時間, 所以我地又睇埋..

之後都玩左好多野...

彤彤見到大minnie竟然係有d驚喎...

呢一日真係好熱好熱...

如果disney 多d樹就好啦..

彤爸問彤彤玩唔玩coffee cup..

彤彤話玩喎...

上次去玩pooh豬媽話左比我地知個carama係邊樹,

所以我地呢一張pooh pooh 相都影得好好呀!!!

上次睇golden micky彤彤等到瞓左,

呢一次我地就同佢睇多次..

佢好專心,

睇得好開心呀..

玩左半日好似累足一日咁!!!

好啦.. 我地返屋企啦..

希望彤爸你第2年既pa pa day 過得開心啦!!!

Lenovo娛樂大搞作 - 請大家幫忙投票...

上上下網突然見到有呢個咁既遊戲,

send一張令你見到都開心既照片上去lenovo道同大家分享

投票最多果位就有部電腦...

well, 就唔會贏到架啦,

不過呢張相真係好like,

見到佢地幾個面上流露出開心既表情真係好開心!!

希望佢地永遠係好朋友!!!

快d快d去幫下手去投佢地一票啦!!!

http://www.lenovo-ideapad-yseries.com/photo-submission/#blogger

瑤2 - 12朝

時間真係過得快,

唔經唔覺瑤2又12朝...

見到人地既細路仔真係大得快...

12日後再見瑤2, 發覺佢好睇好多啦...

比起出生第2日,

瑤2已經好似大個左好多啦..

重好多古靈晶怪既表情呀!!!

除左探妹妹,

我地都黎探埋O豬同埋貓貓...

彤彤好似好瑤2鍾意妹妹呀..

坐定定係SOFA 要我地比妹妹佢抱...

抱住妹妹之後又攬又錫....

同妹妹一起影相...

豬媽好有經驗,

抱住瑤2妹妹個樣好有慈母feel呀!!!

初生bb真係好細粒呀!!!

當瑤2同埋彤彤一起時..

突然覺得彤彤好大隻,

而瑤2好mini!!!

雞媽恨女..

抱住瑤2時都流露出慈母既look!!!

我地係道傾計期間,

乖乖既瑤瑤就不知不覺瞓著左...

瞓左既瑤瑤原來同妹妹係同一個模式架..

好可愛呀!!!

我地又做左一個尿片蛋糕比瑤2妹妹..

希望你啱用啦..

瑤2 你要快高長大,

食多d奶奶,

唔好要媽媽擔心呀!!!