玫瑰疹 -第3日

玫瑰疹 - 第3日啦...身上既紅點已經退左D啦..

不過反而谷左上個頭仔道呀!!

好彩D疹係冇蕉, 

如果唔係彤彤塊面仔一定有lar呀...

因為佢太鍾意擦面啦!!!

彤彤都回復正常啦..

不停玩.... 不停爬爬爬..... 同埋不停攪野...  

胃口都ok呀... 同平時一樣冇多左或少左....

今日都有煲言茜水佢沖涼,同埋都有煲紅蘿蔔水比佢飲呀.. 

又係飲好多呀!!!

有d人話玫瑰疹只係出一次..

唔知係咪呢..

希望啦..

玫瑰疹 - 第二日

早上起來彤彤心情都OK... 

起身飲左奶奶就便便啦...

再check check 佢身上既玫瑰疹先...

嘩... 好勁呀... 個身好紅呀..

個頭仔都有少少喎....

姨婆話會出3-4日倒.. 

今日只係第2日.. 

彤彤你重要辛苦多1-2日呀!!!

出左疹之後重要係屋企休息幾日等d紅疹退呀..

婆婆話呢段時間唔可以出銜呀...

因為吹左風會令到彤彤眼濕濕同埋會好易病呀... 

所以黎緊呢個長假期, 

原先我地係安排左一連串既節目,

宜家所有都要cancel啦... 

因為我地會係屋企陪彤彤閉關休養下呀... 

等好番我地再去過啦!!!

 

彤彤真係聰明啦.. 

識得選擇呢個時候出疹,

等爸爸媽媽唔洗請假係屋企陪住佢...

出疹係中醫角道黎講係因為身體入面好熱...

宜家d疹終於斬發左出黎啦, 

所以彤彤再冇發燒啦...

不過yim 悶都重有..

為左令彤彤舒服d, 

我地就煲左d言茜水比彤彤沖涼...

一沖完涼彤彤就立即好乖乖咁瞓覺啦...

然後我地又煲左d玉米,紅蘿蔔,馬提水比彤彤飲..

因為彤彤唔肯飲水, 要飲多d水先可以排毒呀... 

而呢d係一d涼, 咁熱既彤彤飲左亦會舒服d!!!

宜家呢d咁既天氣, 大人都可以飲架.. 

彤彤好鍾意飲呢d水水呀..

因為有dd味.. 好飲過清水呀..

彤彤要飲多d先好呀!!!

係玫瑰疹呀!!!

今朝一起來就幫彤彤探熱啦... 

好彩終於都冇發燒啦...

肚瀉亦已控制好啦... 

彤彤心情都好番好多啦... 

胃口都唔錯呀!!

 

食飽奶奶之後就係坐鴨鴨時間呀... 

彤彤好乖呀,坐左一陣鴨鴨就有便便啦!!!

便便完就係洗白白時間啦....

幫彤彤換時發現佢肚仔上有一d紅點...

多又唔係多.. 

但可能真係玫瑰疹呀!!!

因為表哥仔出玫瑰疹時都係肚仔出先呀...

晚上再check下彤彤身上既紅點...

嘩!!!多左呀...

咁... 即係confirm 係玫瑰疹啦...

媽媽終於可以放下心頭大石啦....

出緊疹既彤彤有d雖然話就就食得又玩得...

不過都有d yim 悶,

又有d扭計... 

特別係瞓覺個陣... 

所以媽媽見彤彤咁yim 悶都抱多左佢...

同埋都有暗下佢瞓覺....

希望只係暫時性啦.. 

我好怕彤彤扭慣左呀.. 

希望唔會啦!!!

係乜病呀???

早上起來幫彤彤探熱, 仍然係發緊燒重有d肚瀉...

同埋好累....

比媽媽個電話彤彤玩佢都唔要呀!!

點解好冇乜好轉呀???

繼續比番尋日藥佢食養和d藥佢食...

食左藥瞓左一個鐘倒就醒左啦....

探熱 - 冇燒 .... 不過仍然有肚瀉...

同佢去睇屋企附近既家庭醫生...

醫生話彤彤病有幾個可能性:

1. 腸胃炎 - 因為肚瀉

2. 尿道炎 - 因為發燒 (??)

3. 玫瑰疹 - 因為發燒同肚瀉都有幾日啦!!

咁即係點呀??

點解冇個肯定d既答案呀??

知唔知個家長好擔心呀??

醫生比左肚瀉同發燒藥彤彤食話再睇下情況...

下重睇... 已經係第3日發燒啦!!!

不過都係要睇啦...

如果唔係可以點喎...

*******

返屋企食埋粥仔再食藥...

是日粥仔係白粥... 因為肚瀉所以食清d啦!!

唔知係咪冇味同埋病緊彤彤冇乜胃口...

*******

食左藥,　下午彤彤冇發燒啦...

不過晚上又有番小小燒!!

而肚瀉呢... 都少左啦...

咁媽媽都放心d..

******

晚上瞓覺情況...

都唔係瞓得太好....

有時瞓瞓下又喊....

所以呢幾晚媽媽都要起好多次身check住彤彤冒情況呀!!!

希望明天再好d啦!!

發高燒

彤彤昨晚發高燒達39度...

所以係晚上12時我地飛車去左養和醫院....

去到雖然唔係好多人,

不過都要等左成個鍾....

發緊燒既彤彤好累...

冇乜笑容....

但又唔肯瞓....

係等候期間姑娘要幫彤彤磅重同埋探熱...

彤彤係7.45kg.

我地問姑娘要等幾耐, 佢話我地前面有3個人...

其實人真係唔多,

但只係得一個醫生所以要等....

不過我見個個病人都係入去唔洗3分鐘出番黎...

查實醫生係咪真係有用心睇呀??

到我地啦...

入到去醫生只係問我地乜事...

我地話發燒-39度,

醫生話冇乜野, 都唔係好高燒...

有冇攪錯, 一個7個月大既bb發燒到39度都唔算高???

我地又再問要唔要打針... 

佢又話唔洗....

不過擔心可以塞粒藥係屁股...

咁我地咪塞啦... 要比多$65!!

灸然後就叫我地出去等藥啦...

前後真係唔夠10分鐘,

入到去又冇得坐...

呢d係乜野服務呀???

不過以養和醫院黎講收費$350算唔貴啦....

其實我根本都唔鍾意睇西醫...

只係半夜冇選擇呀...

******

早上起身都係有燒 - 39度...

食奶情況都算ok...

不過有d肚瀉...

食左藥後好快又瞓番...

由9:30am 瞓到1:30pm....

起身同佢再探一探熱先...

已經退左燒啦..

咁我地比在節瓜粥佢食...

胃口都ok...

肚瀉情況都重有....

食飽飽再食藥...

之後想彤彤再瞓一陣...

但佢唔肯..

不停係道玩...

好似冇病咁....

但一到在晚上8pm倒又燒番啦...

點解會咁呀??

同彤彤貼左退熱貼然後立即要彤彤瞓覺!!!

打電話比姨婆,

佢話彤彤可能出玫瑰疹呀..

因為情況同上次表哥仔一樣都係又瀉又燒....

不過當然要睇多幾日先啦...

希望快d退燒同埋冇肚瀉啦!!!!

識自己起身啦...

7 個月大既彤彤,

除左爬得快左之外又比我地發現佢另一重野啦...

就係扶住d野想自己企起身...

終於比我係尋晚見証到呢樣野啦!!!

話說我尋晚如常9:30pm送彤彤同入房瞓覺,

平時佢會自己玩一陣就瞓著,

但尋晚入左房後10分鐘不停係道叫...

咁我咪入房睇下佢乜事啦!!!

比我見到彤彤自己揸住床邊係道望住我笑...

佢自己可以爬倒起身啦...

見到真係嚇左一跳...

第二朝早..

我就再睇睇彤彤係點樣自己企起身重拍埋video呀..

自從彤彤識得自己起身後,

佢成日找住d野要起身...

宜家真係好多野係屋企都要收好...

佢可以企自己企起身就乜都攪...

最煩就係瞓覺個陣...

平時未識企個陣自己可以乖乖瞓...

而家要佢瞓覺個陣佢就成日爬左起身!!!

Pan Shot

今日爸爸去返學呀

所以媽媽同彤彤一早就去左婆婆道啦！！

爸爸報左名去學影相呀..

所以呢一日爸爸要去上堂...

本來呢一日係去維園field trip既..

不過因為大雨既關係就取消左啦`..

但因為老師好人,

約左幾個同學仔一起出黎教佢地Pan shot...

Pan shot 就係當d車行緊既時候影啦...

玩完之後就去左瑤瑤媽Shop會合媽媽啦!!

媽媽下午見彤彤瞓左覺就去左瑤瑤媽Shop同瑤瑤&豬豬玩...

冇見一排佢地大個左好多呀!!!

玩玩後就落旺角因為我地要毒害契媽 

契媽要買相機學影相所以要爸爸同佢去買...

爸爸suggest佢買呢部starter kit..

因為輕d又容易用呀...

買完野我地就好快咁食左一個晚餐然後就返婆婆屋企接彤彤啦...

婆婆話彤彤好乖,

又肯去toliet, 又午睡, 又食晒d粥仔, 又飲左好多水水...

回到家又未夠鍾食奶奶...

好啦見彤彤咁乖就就同玩一陣先啦...

玩完之後就好乖乖食埋奶奶,

然後就自己入睡啦!!!