BB保育遊之菜園村

因為要發展高鐵所以認識菜園村...

因為要發展高鐵如果唔係我地都冇機會黎呢一條小小既村落...

呢一日我地帶埋3小b黎認識菜園村...

如果唔再黎呢就唔會再見到呢條小小既村落啦

未入到去已經見到好多Banner 啦

我地都要係出面影相留念先

菜園村真係一條好細既村...

好清休, 好舒服,　完全冇左係城市入面生活果種煩躁...

入到村, 四周都重有好多Banner,

住係呢條村既全部都係種菜為生既伯伯 ...

如果冇左條村, 佢地既生活又會點呢??

條村雖然細, 但一路上都見到有d大學生係樹訪問既d村民..

村民係老人為主...

見到佢地傷感既神情... 我地都"登"佢地難過...

小b們, 你地好幸運可以黎到呢條村...

宜家呢d小村落真係買小見小啦...

呢一片綠綠既菜園, 遲d唔知會變成點呢??

再見啦菜園村...

希望村民可以有個合理既賠償啦....

***********************

離開菜園村, 我地見未夠鍾食飯, 所以就去左大霧山郊野公園玩...

比D BB 接觸一下大自然啦!!!

不過因為係山頂, 所以都幾凍...

不過BB們仍然好開心咁跑呀跑....

******************************************

晚飯, 我地出番去TST既UCC Cafe...

等位期間3小b好enjoy 係商場走黎走去呀...

可憐既爸爸媽媽要不停追住佢地!!!

差不多有位時,

瑤家至電一起黎join!!!

好開心又可以見到瑤瑤啦!!!

一行人食飽飽再係商場行多一陣...

原來海運宜家有個chocolate展覽...

都幾吸引喎...

唔知係咪真係chocolate做架呢??

仁哥發覺瑤瑤同佢一樣愛clean,

所以就c都話係醫院比錯bb佢啦..

大家交換bb合照一下先....

唔... 仁哥... 瑤瑤眼睛咁大, 真係唔係好似你喎....

玩完, 又飲飽食醉.. 我地一行人各自回去啦...

下次又要諗下有乜攪作好先!!!