元旦行大運

1月1日新一年既第一日,

我地梗係想呢一年事事順利啦...

所以我地今日就約左雞家一同去行大運!!!

不過before行大運, 我地同雞家有特別任務要做左先,

之後去茶餐廳嘆埋下午茶就正式開始我地既行大運行動!!!

是日行大運既地點唔係郊外,  而係好多好多人既維園 - 行工展會呀!!!

因為forsee到會好多人好迫, 所以我地做足準備...

揹住兩個B行, 同埋迫佢地瞓埋覺...

呢個工展會... 真係似美食博覽會多D呀...

10 個有9個counter都係買野食架..

其次就係有counter賣按摩椅, 冷氣機 ....

試問會唔會有人黎工展會買呢d咁大型既用品呀???

又唔係好好好平!!!

除此之外亦有一d品牌既公仔行黎行去同你影相!!!

行完, 我地去左玩具反斗城倒亂...

cwb呢個反斗城真係好細...

都係海運果個正d!!!

因為地方細, 所以雞雞同彤彤大部份時間都係留係車仔入面!!!

不過一樣咁開心...

你睇下, 雞雞拎住個妹妹公仔示意佢想要一個妹妹陪佢... 

(有關人士你地收唔收到呢個message???)

嘩... 好耐冇見既elmo又出現啦..

呢次重有好多隻tim...

一次過隻隻都開口.. 彤彤又好驚, 又好想玩.. hahahaha

雞雞係男仔.. 大膽d... 所以佢唔怕.. 夠膽摸ELMO!!

玩完呢樹.... 我地走啦..

去到商場門口見到重有聖誕擺設, 咁就梗係影埋先啦!!!

雞仔越黎越會擺POSE啦..

叻仔!!!

之後上演一幕街頭快拍...

係咪好自然呢??

玩完一輪, 去食飯啦...

我地去左大戶屋食日本野...

估唔到8點幾重要等位...

好肚餓呀!!!

兩隻monkey係樹四圍走...

是日元旦晚餐...

都好多野食.. 好好味呀...

睇下雞雞彤彤幾肚餓....

你一啖時我一啖...

彤彤重會幫雞雞抹咀呀!!!

不過我睇當晚dinner 後我地一定比人complain 啦..

因為兩隻monkey攪到成地都係食物, 同埋碗筷... hahahaha

****************************

希望大家行左大運後事事順利!!!

雞家同我地祝大家新年快樂.. 順順利利 ... 健健康康 ... 開開心心...

最緊要係心想事成!!!!