豬2十二朝啦!!

今日係豬2出生左既第十二日..

十二朝即係有薑醋食架啦!!!

所以我地今日就去左豬媽家探bb & 食薑醋啦!!

一去到原來豬豬瞓午覺中...

咁3b唯有自己玩住先啦!!

3b去到豬家就有種好賓自如歸既感覺 - 自己落地玩玩具!

我地趁機睇下豬2先...

嘩 ... 好"醜樣"呀!!! 又多頭髮!!!

豬2, 歡迎你加入我地呢個大家庭呀!!!

豬2好乖呀.. 我地係樹咁嘈佢都照瞓呀!!!

好耐冇見過呢d初生bb啦!!!

將豬2同彤彤compare下真係好似大人角與小人角呀!!!

無聊既媽媽迫左爸爸陪我個左個3層既尿片cake比豬2...

玩左一陣豬豬起身啦...

4b又聚埋一起玩玩玩啦!!!

豬豬冇見耐你啦, 你靚女左好多呀!! 

同埋真係似一個大姐姐好愛錫妹妹呀!!!

妹妹喊時佢會輕輕拍拍妹妹呀!

而豬媽都好精神呀..

身材都收緊啦.. 同對臨生前party既時候比真係細左size呀!!

豬媽努力呀!!!  有陪月ee係樹你要爭取多d時間休息先得架啦!!!

等你出關時我地又再攪一次party呀!!!

呢個陪月ee真係好nice呀..

佢對bb們都好好... 同埋佢煮既雞酒湯簡直一流!!!

 好好味呀!!!

食到我同雞媽都停唔到口!!!

到同豬2合照時間啦...

大家都好似有d手忘腳亂咁...

好似完全忘記左點樣抱初生bb!!!

而彤彤竟然對初生bb好有興趣...

媽媽抱住豬2時冇食醋,

見豬2喊有好輕力拍拍拍,

重好想抱豬2tim!!!

雞雞都好鍾意豬2呀..

成日妹妹,妹妹咁叫..

睇黎雞雞都好想要妹妹呀..

雞家, 你地要努力呀!!!

瑤家一家5口.. hehehe..

瑤瑤你要學定做大姐姐啦..

因為6月你妹妹就會出黎陪你玩架啦!!!

係時候影張大合照先...

你睇我地越黎越多人啦!!!

豬2, 再一次祝你快高長, 要聽爸爸媽媽話呀!!!

******************************

時日靚相推介:

好家姐 - 豬豬....

好like 好like 呢張相,

豬2, 豬豬, 陪月ee 3個既表情都好好...

豬豬also流露出姐姐既關懷, 同埋開心既樣呀!!