澳洲之旅 - Day ４

真係好舒服呀, 日日可以瞓到好足夠先起身...

而起身又見到個好靚既天!!!

今日特別安排什麼節目, 只係har 下har下咁啦 !!!

平日係香港一起身就要安排彤彤既粥仔, 而家放假可以休息,一陣, 真係好要好好爭取時間去休息下啦!!!

同彤彤講完IDD後我地就出發啦....

近近地又去Chadstone 行下同埋食Lunch!!

又一路行一路睇BB野啦....

右下角個奶咀型物體 .... 聽豬媽講過係可以放d水果入去個網道比bb食...

咁就唔怕佢地吞左大件既物體啦!!

呢d野好少係留香港見到, 除非你去荷花啦....

不過係外國, 我就係係藥房見到架....

買個返去試下先!!

Lunch我地會合埋婆婆去左食pancake

呢間Pancake Parlour冇係Doncaster個間咁靚....

呢就係全食pancake, 有鹹有甜...

呢個其實係早餐, 不過假期佢地賣到6pm...

因為呢種係鹹pancake, 所以pancake上面個舊唔係ice cream.. 而係butter黎架...

係咪好驚呢... 嘻嘻, 所以我地都只係用左少少....

蘋果pancake.. 好味... 有d酸酸地.. 唔怕甜...

strawberry... 我既favourite.. 好味道!!!

食飽飽我地再行一陣啦...

去左suga... 呢間shop係賣d手造糖既...

好colourful.. 好靚...

佢地重可以made to order... 中間可以做個名出黎...

好多人結婚個陣都做呢d小禮送比賓客呀....

我地去到剛剛係時間睇佢地表演造糖...

其實都睇過好多次啦...

不過彤爸影引發作話要留下影相呀..

咁我同婆婆唯有陪埋佢睇啦...

1.   先要煲好d糖水,然後加色再mix

2. 然後要做好中間d字再卷好...

3.  做好好大條既糖後就要慢慢碌下拉下就會變出細細條既棒棒...

     然後將d棒棒切開一粒粒後就可以食啦...

      佢地今日佢幫一間公司"British Paints" 做糖...

      好勁呀.. 個公司名好清楚係個粒糖道呀!!

睇完表演都差不多4點幾啦...

我地就去左Doncaster探表姑媽...

佢成8X幾啦.. 不過佢份人好開心.. 成日笑哈哈, 一d都唔覺得佢老!!!

打擾完表姑娘我地就出發去dinner啦...

今晚舅父請我地去Aya 食飯...

Aya係食日本菜呀.. 好野.. 我最愛就係日本餐啦!!!

Aya 以前都有去開啦...

佢d食物都ok呀...

我地食左好多好多野呀...

樣樣都好好味...

食飽飽影番張大合照先...

澳洲之旅 - Day 3

唔洗返工既日子真係可以relax d ...

我地今日差不多下午先出動...

今日既目標就係去suzuran買壽司做lunch!!!

suzuran係Camberwell區,

個道好多野賣呀...

suzuran係一間日本人開既日式雜貨店, 有日本食品及壽司賣!!!

有時佢d日本雜貨重多過香港呀!!!

佢地D魚生好新鮮同埋好大片好肥美呀!!!

食魚生最好係澳洲食.. 因為真的十分新鮮呀!!!

最愛呢件蛋壽司.. 佢做法同香港唔同,

佢同一大舊蛋, 入面放小小飯...

真係好好食呀... 不過貴在dd, 成aud$2一件呀!!

********

彤爸今次主要黎澳洲既目的就係不停影相呀!!

所以食飽飽, 彤爸就去左佢間學校道影相啦!!!

呢道真係變左好多呀... 多左好多新building呀!!!

因為星期六, 冇乜人返學所以好靜呀!!!

之後我地出發去St. Kilda 啦..

景色真係美.. 香港個天邊樹有咁藍呀!!

不過好可惜因為冬天好大風 如唔唔係可能落車行下呀...

我地跟住就去左Brighton...

呢區都叫貴區呀, 因為向海呀...

都係冇下車影相呀.. 因為海邊真係好大風呀!!

然後我地就去左Chadstone 食左少少野先...

因為今晚婆婆夜機到,

接完佢我地會去食消夜呀!!

係Chadstone我地食左Nando's雞雞

晚上消夜係寶和食!!!

澳洲之旅 - Day 2

天氣好好呀...

今日起身後準備出去.. 但發覺唔係太對勁啦..

因為不停打噴嚏... 眼又流時水...

大件事... 我睇梗係hay fever啦...

所以第一件事就立即出去買藥先...

食左粒藥後好好多....

**********

我地今日去左行city呀!!!

city好似冇乜變.. 但又好似有d變... 哈哈...

係車入面環繞一週睇睇先!!!

雞爸.. 影左好多相比你睇呀.. 有冇變到呀??

泊停車場好貴呀...  停車場AUD$4 半個鍾... 搶呀!!!

行左好耐終找到一個街位啦...

去醫下肚仔先...

我地去左QV食煲仔飯...

好好味呀!!!

食飽飽後我地就周圍行下啦!!!

行既不是百貨公司, 而是風景呀...

係道住左咁耐... 點解重咁似旅客呀??

我地一路行一路影... 唔經唔覺行到去Finders Street Station 啦..

都好似冇乜點變...

不過點解突然有咁多Police呀? 重有埋醫護人員呀！！

見到咁大件事既場面就梗係快閃啦!!!

返到屋企睇新聞先知道原來當日個道有不明氣體呀!!!

跟住我地過左Docklands個頭睇下...

Docklands係新開發區... 近海邊....好靚呀...

個道重有好多Outlets呀!!  有d 日本橫浜feel,

不過好可惜賣既野一d 日本feel都冇!!!

我地只係係一間童裝道買左d衫比彤彤...

5:00pm, Close 啦d Shops... (澳洲既生活就係咁啦... 懶...)

我地就轉戰出去外面影相啦!!

出面個道好靚呀, 有一個好大既魔天輪呀!!

不過可惜係Close左架...

好似話因為個車箱有d事所以要Close呀!!

影左一陣相我地就走啦...

因為好大風, 同埋有d 雨呀!!

我地之後去左Lygon Street 食晚餐啦..

呢道係意大利區, 所以食既都係意大利餐...

睇左好多間先決定食呢一間呀!!!

坐街位... 有特色... 唔太凍, 因為有暖爐係出面....

我地食飯既時候係6點幾, 個陣重係唔太多人,

不過一到8點幾成條街都係人呀!!!

呢間餐廳d食物ok啦... 不過個risotto就鹹左少少啦...

食飽飽再睇下夜晚既city先....

之後我地就去supermarketh行下先....

不過睇既都係一d baby food...

e.....原來旺旺都有出baby餅餅呀??

行左一陣之後我地就返屋企休息啦!!!