未出發已經 ... 好唔捨得呀!!!

彤爸同我聽日會出發去澳洲啦..

本來我地係同埋彤彤一起去呀...

不過因為豬流感既關係.. 我地唔可以帶埋彤彤去啦!!

其實真係有d唔捨得呀... 不過為左彤彤健康著想佢都係唔好去啦!!

而同行既朋友仔已經出晒機票, 我地冇理由咁衰放佢地飛機呀!!! 所以就留番彤彤係香港啦...

ee會照顧住彤彤呢個星期... 咁我都好放心..

因為ee真係好鍚彤彤, 好細心, 同埋成日煮d好味粥仔比彤彤食!!

不過真係會好掛住彤彤呀...

自佢出生以黎第一次唔見佢成10日呀!!!

今晚pack行李時真係有d想pack埋佢落去呀!!

彤彤爸爸媽媽唔係道既時候你要乖乖呀...

記得要乖d聽ee話呀!!!

爸爸媽媽好快就返黎啦!!