出發啦!!!

今晚我地搭11點既機出發...

上午仍然要返工...

重係好x忙既一日, 因為要同d同事做埋佢地既appraisal先得!!!

變態女魔頭明知我趕時間又係道玩野..

佢問我幾多點放工, 因為佢要同我做appraisal呀...

我係6pm放既.. 梗係如無意外梗係準時啦...

但當我做晒所有既appraisal後問佢得閒未,

佢話重未得閒要做埋其他同事先做我!!!

有冇攪錯.... 明知我趕時間點解我要做最後!!!

到我做個時已經係5pm...

一講就講左2個幾鐘.. 中途間不停有同事入來叫我聽電話等想救我出去...

不過佢仍然繼續講.... 真係明知我趕時間都係道留難我!!!

終於7pm 講完啦... 不過要等佢send份appraisal比我簽埋先可以走呀..

又等又等... 等左15min 我又去問佢... 佢話忘記左... 宜家send..

又等多15min 我終於收到啦.. 拿拿聲簽左立即走..

如果我唔係咁趕時間我真係走去大老細個邊投訴呀!!!!

好..等我返黎先諗下點同你玩...

真係好煩.. 日日對住呢d人... 好辛苦...

如果唔係為左份salary, 我真係走左先找工呀!!

但... 呢個時勢真係好難找工.... 咁走好定唔走好呢??

************

9:00pm 媽媽同細佬車我地去到機場check in 啦...

大家都因為我比個變態女魔頭攪到宜定先食野...

真係好唔好意思....

雖然我地架機係11:35pm, 不過匆匆食左野就叫媽媽佢地快D返去休息啦....

我同彤爸就慢慢打發時間啦...

我地係gate69上機, 所以我地慢慢行去唔坐個d地鐵啦.. 

機場入面都有d人帶口罩, 不過只係中國人啦.. 外國人一於好少理!!!

不過因為保護自己.. 我地都係全程8個鍾頭都帶住口罩!!

嘩.. 唔知係咪好耐冇坐過飛機呢.. 宜家D飛機好新呀..

電視有remote control 同埋有機打架, 重可以有自選電視電影音樂台... 你想幾時睇都得, 幾時停又得!!  得左!!

食用一般啦....

不過我都唔係好理啦.. 好累...要瞓啦!!!

坐左8 個鐘頭... 終於到左.... Adeliade 啦..

下.. 點解唔係melbourne??

因為我地唔想浪假期, 所以放工出發...而呢一班唔係direct flight, 所以咪要停一停先啦...

我地係Adeliade休息左大約一個鍾頭倒就出發啦...

天氣好靚喎... 不過有d涷呀... 呢道只係得12度倒呀..

再坐多一個鍾頭我地就到melbourne 啦..

終於返到黎啦!!!

待續........