我地返黎啦!!!!

早上4:00am 天重未光我地已經要起身出發去機場啦..

天寒地凍要咁早起身... 慘...

不過慘既唔只我地, 重有舅父仔.. 因為佢要車我地出去呀... 真係唔該晒啦!!!

我地既行李都算多呀...

原本每個人只係可以carry 25kg行李...

不過我, 彤爸同埋D哥哥三個人一起就有成85kg啦...

係呀.. 買野買多左... 同埋舅父仔有個舊Hi-Fi 想帶番黎香港呀!!!

不過都好彩舅父仔有個朋友仔係CX做, 咁我地d行李先可以順利過關呀!!!

Check完In 我地去Hungry Jack's 食早餐...

不過食乜都冇味啦... 好眼瞓呀!!!

食飽飽過埋immirgation都要等一陣先可以上場...

又要坐8個鐘頭先可以到達香港呀!!!

上到機, 佢地有serve 早餐同午餐...

不過我都食唔落啦... 因為實在好眼瞓同埋我一直覺得CX既飛機餐係好難聞&食既!!!

不過彤爸同D哥哥都食得好開心喎!!!

返到香港有另一個舅父仔黎接我地...

跟住我地就快速返婆婆家沖好晒涼先回去找彤彤...

冇見彤彤十日,好掛住佢呀!!

有冇naughty到呀??

會唔會認得媽媽爸爸呀??

彤彤.. 我地返黎啦!!!