唔洗返工又唔係要去好遠既地方,
我地呢一日成11點幾先出發....
今日第一站就係Victoria Market 啦!!!
平時我地就只係行濕貨(街市)...
不過呢次彤爸同D哥哥真係好似遊客,
不停係道影相呀, 所以我地行完乾貨先行濕貨啦...
行行下, 見到有doughnuts食喎...
其實係澳洲住左咁耐, 我係未食過呢d doughnut呀!!!
啱晒啦, 天氣凍凍地食番個熱doughnut先!!!
食完doughnut, 行多一陣我地又食野啦..
今次我地係食hot dog 呀..
舅父仔介紹話呢隻熱狗係Victoria Market 係好出名架!!
所以我地都要試下先啦!!
不過又真係幾好食喎...
腸仔大條, d肉又夠實...
有分辣同唔辣tim....
再加埋cheese 同 onion 真係好好味架...
唔怪得有咁多人買啦!!!
下一站我地就係去richmond啦...
Richmond係越南區, 好多越南人居住...
呢道重有好多唐人雜貨店呀..
不過我地黎唔係買餸, 我地係黎食野呀..
係呀... 又食呀.. 真係一個美食團...
唔洗2個鐘頭就食左3款野啦...
咁係越南街有d乜野食呀??
咪係食好出名既勇記越南河粉啦...
呢道d越南河粉真係好好食呀...
香港真係食唔倒呢d味道!!!
食飽... 跟住我地就去SUBARU車行啦..
點解無啦啦會去睇車....
因為D哥哥係SUBARU既fans黎架...
而docklands有一間好大既Interactive SUBARU showroom 所以我地去參觀一下啦...
呢道真係好大架.. 重有兩層, 重分埋新舊車區...
呢間SUBARU真係似museum多過似車行...
好多野睇呀..
好好彩比我地遇到一個好好既Staff,
佢比左個Tour我地呀!!
呢道有theater講subaru既safety啦...
有d模型講車既結構啦....
同埋有不同既track比你test drive...
如果真係買車有一個private room可以放埋架車入去比你慢慢研究完先買!!!
真係好呀.... 呢個Tour都行左成2個鐘...
D哥哥又買埋紀念品.... 大家都好開心呀!!!
之後又未夠鐘食晚飯, 我地就去左Shopping啦!!!
因為澳洲各大百貨公司舉行既Stocktaking Sale...
呢d 大減價一年會有兩次, 重係減得好勁呀...
而今日係第一日, 所以我地都去睇下先...
我地今日主要目的係去Country Road...
因為A姐姐係Country Road 既Member,
Member係呢一日會有多25% 既discount...
嘩..真係好抵呀..折完再折!!
我地自己就冇買野, 因為大部份既野係冬天既!!
我地只係買左一d bb衫比彤彤...
買完野, 要去食飯啦!!!
今日晚呢間餐廳係前Flower Drum既老闆開既!!
Flower Drum係Melbourne一間好出名既中菜館...
呢位劉老闆退左股之後就自己開左呢間"Lau's Kitchen"啦!!!
劉家小廚係St. Kilda既, 佢地主要係做鬼佬生意既..
起初我地去到都有d驚呀, 好怕佢會整d鬼佬唐餐比我地食...
不過好彩D哥哥識得劉老闆個仔, 由佢發板啦....
佢既介紹好得呀.... 個個餸睇落好平凡,
不過食落去真係好好食...
連佢介紹比我地飲個支酒都好得呀...
最鍾意係佢個魚, 真係好好食呀...
而甜品 - Strawberry, 佢mix左d酒去...
好好味... 以前係flower drum成日食既...
我都買左呢支酒, 下次可以自己係屋企做!!!
真係好滿足又驚喜既一餐呀!!!
食飽飽之後...我都原本打算去Chapel Street食我地昨日食唔倒既Cake,
不過因為D哥哥約左一個可以幫佢落Track既朋友, 所以我地轉移地方去個道見呢個人啦....
我地去左呢個肥K屋企附近既Giorgios....
不過因為佢地d男士個個都掛住傾計, 所以我就同A姐姐去選擇Cake啦..
呢道d cake種類冇尋日個間咁多...
所以我地叫左四件都差不多叫晒佢地d cake啦!!
不過呢道d cake真係唔太好食...
太甜, 太乾, 同埋太硬....
好彩d飲品都叫ok啦...
吹左個多鐘頭水, 原來肥K 係幫唔倒D哥哥落Track....
真係吹水王一個... 不過佢話會帶我地去玩Kart喎....
都好過冇啦.... 不過都係聽住先啦....
沒有留言:
張貼留言