4小b聚會..

4小b聚會終於齊人啦....

呢一晚大家約埋去左豬家...

一見到佢地一起玩感覺佢地大左好多..

好似4個小童咁圍埋係張玩具枱玩...

好似開緊枱咁呀!!

大家都好乖, 冇爭野...

不過只係彤彤不住爬黎爬去, 攪呢樣, 攪個樣!!!

呢一晚彤彤嚇到瑤瑤怕左佢, 同埋嚇到雞雞喊啦!!

你睇下玩玩下個個都比彤彤嚇到走晒啦!!!

呢一晚係豬豬11個月大呀..

豬媽特地買左cake黎慶祝..

豬豬祝你健健康康.. 開開心心呀..  記住要聽豬媽話呀!!!

唔經唔覺又11個月大啦..

時間話快唔快. 話慢唔慢!!

希望呢幾個bb可能快快樂樂地成長...

最緊要係要相親相愛呀!!

靜頤素食

呢一日.. 放假...

婆婆話之前有朋友仔帶佢上堔圳去食過一間素食餐廳好好味..

咁呢一日我地咪同埋另一個auntie上去尋找下呢間餐廳啦...

上到去羅溯坐巴士去.. 15min 就到左啦...

呢間係叫做 - 靜頤素食

真係好靜呀, 而且好大呀!!

大家留意下, d 牙籤係膠做架!!

我地叫左呢d 野食呀....

最好味係個胡椒豬肚湯,

但係個焗禾蟲就唔太好食啦!!

不過overall來講呢道野真係好好食架!!!

下次可以再黎過啦!!!

Baby Yogut

一直都有比開baby yogut彤彤食架...

佢都好鍾意架...

呢次去澳洲旅行見到一個做Yogut 既機... 做法又好方便, 又唔係太貴呀, 所以就買番黎試下啦!!

諗住呢d自家製作既Yogut 會fresh d, 而且又唔會太甜, 同埋可以自己加生果落去呀!!

味道方面有lemon, berries, strawberry, 等等...

做法好簡單...

所用凍水開yogut粉, mix well...

然後倒熱水入大container道...

放yogut jar 入去大container, 等8個鍾頭或overnight 就ok啦!!

到左第二朝, 可以見到d yogut 已經成左型啦!!!

將d yogut 放入去small countainer道然後再雪凍就可以食啦!!

食個時可以自己放d生果落去架!!!

唔太甜, 彤彤好鍾意食呀!!!

咁就好啦..媽媽會做多d yogut比你食呀, 重會用好多新鮮生果呀!!

書展2009

今日放假.. 點解咁好彩..

係補番之前星期日返左工呀!!!

咁我今日就可以同契媽去左書展呀..

書展係我地每年既指定節目..

就算上年我大住個肚我都有去架...

我地10:30am 到達...

今年既書展比往年大左好多..

唔知係咪因為大左, 所以好似冇咁多人啦..

不過個d booth 就大左好多..

商務, 明報, 皇冠, 博益, page one 等...

契媽一去到就去左買佢既心水同埋訂雜誌啦...

我地行左好多個booth,

睇左好多唔同種類既書...

重多左好多特別既counter 呀..

有賣文具既, 同埋賣精品既..

不過點解唔見個McMug個位既??

有好多好多書好想買呀..

cook book, 旅遊書, 小說, 育嬰書等...

不過買咁多又冇乜時間睇,

最大問題係冇咁多地方放呀!!!

精挑細選先選擇到一d書..

唔係好多,

因為有d想買既契媽都買左.. 可以借... 哈哈哈哈

我既collection乜野類型都有..

有cook book... bb 同大人都有份..

bb既教做一d簡單既飯仔同埋煲一d啱bb飲既湯,

大人個本你一個星級中醫教煲一d養生湯...

以前細個好唔鍾意阿媽煲湯...

而家唔同媽媽住先知道湯水好對身體好!!

有左呢d書我會煲多d湯水比大家飲啦...

住家飯可以不常食, 不過住家湯係唔可以缺少呀!!!

另外點左兩本blog書...

大少奶係一個好快樂既家庭主婦,

由唔識煮飯學到宜家好叻..

希望我可以學到佢同埋感染到佢既快樂啦!!

呢一本係小說.. 見個簡介好似好吸引, 所以點黎睇下先...

我同契媽足足行左3個幾鍾,

之後我地拖住疲倦既身軀去左食我地最喜愛既越南粉...

我地每次去完會展都會黎呢道食野架...

食飽飽我地各自返屋企差一差電先..

因為我地晚上再會出動呀!!!

Dinner @ 新羅寶

返屋企休息一陣之後,

又待彤彤食埋粥仔我地就出發啦....

我地今晚好有契媽陪我地食飯呀!!

晚飯地點係新羅寶韓國燒烤....

想食呢道好耐啦...

聽見朋友仔話上去佢既website可以 download佢地張coupon...

食$600可以平倒$300呀!!!　

計落我都有成年冇去過食韓燒啦...

找左好耐, 終於找到契媽陪我去食啦!!! yeah!!!!

7:00pm 媽媽同彤彤到達餐廳啦...

契媽原來已經到左啦... 唔好意思我地遲到...

坐低後立即討論食d乜好...

2個人要食$600呀... 叫set好定係散叫好呢??

商討過後, 我地決定散叫...

叫左生牛肉, 燒牛肉, 蝦, 同埋菜...

因為有bb, 所以Waiter問我地想自己燒定係廚房幫我地燒埋...

嘩... 梗係自己燒啦...

如果唔係點算係食韓燒呀!!!

睇下彤彤好習中望住D食物好...

比d菜佢彤彤食.. 佢唔多高興...

重想掉左右塊菜菜呀!!

好想要食我地個d...

彤彤.. 係太細個啦... 唔可以食呢d野住架...

d食物算OK啦.. 不過有d失望...

唔知係咪我地唔識叫... 定係我地用coupon比d差d既食物我地..

硬係覺得d肉唔同平時食個d, 同埋d味唔同咁呀...

連生牛肉都係有d雪味呀!!!

不過好彩d蝦都係好新鮮...

食飽飽, 同彤彤玩左一陣次後就要立即走啦..

因為彤彤大大左呀!!!

快d快d返屋企換片片先!!!

識自己企起身啦!!!

今晚有重大發現呀!!!

我地發現彤彤可以自己企係身呀..

唔係扶住d野起起身,

係唔洗扶住d野自己突然企係身呀..

c啦... 我地重會參加一個爬行比賽架..

彤彤.. 你要爬多d呀..

到時千萬不可爬爬下自己起身架..

如果唔係就disqualify架啦!!!

*********

同場加影:

呢期彤彤好鐘意笑,

重要笑到卡卡聲個隻...

不過佢笑起上黎真係好醜樣架.. 

因為佢笑時個樣好naughty,

同埋d牙仔好ugly呀!!! 

放假一天

因為ee唔得閒... 咁媽媽就放假一天, 做一day全職媽媽啦!!!

不過個13日一定要8月31日之前放晒架啦.. 否則會被cancel啦..

黎緊希望我可以keep住1個星期放1日啦!!

*********

今日, 我地早上都係如常食奶, 沖涼, Toliet training 之後就morning nap啦...

婆婆大約10am 倒黎到, 諗住幫下手照顧彤彤呀!!

彤彤好好瞓呀.. 呢一覺由10:30am一直瞓到12:30pm!!

起身後就食埋粥仔我地就出發去婆婆屋企啦!!

彤彤成程車都算乖啦.. 只係有時去打擾其他既乘客啦!!!

行左一陣街街就上番屋企啦...

豬媽其間打來即興約食飯...

咁啱我地又係婆婆道喎...

好呀.... 咁我地就約定晚上去瑤媽shop見啦!!

不過我地又三缺一啦... 因為雞媽呢晚要上堂呀!!!

返到婆婆屋企.... 大件事... 開唔倒門呀... 入唔倒屋呀!!!

因為上午婆婆個鐘點姐姐黎完清潔...

之後可能關門關得唔太好...打鑰kick住左啦!!!

彤彤又熱又焗又眼瞓... 點算??

婆婆突然提醒, 叫我地落去瑤瑤媽道先.. 佢就等開鑰師父黎啦...

所以我地就係咁落左去瑤媽shop先啦...

好彩有個咁近既地方... 如果唔係我地要返屋企啦!!

去到, 立即安頓彤彤換片, 食奶同埋瞓覺!!

好好呀.. 彤彤瞓左1鐘頭倒.....

起身後既彤彤心情好靚呀!!

瑤瑤又係個個時間起身... 彤彤就好開心咁同瑤瑤玩呀..

兩個重玩得好開心tim!!!

玩左一陣要返去婆婆屋企食粥仔食飯呀!!

彤彤食弼仔個陣好naughty呀!!

不停要玩住食... 我真係好唔鍾意咁呀!!!

食飽飽後又去番落去瑤媽shop啦..

豬媽已經到左啦...

我地最遲, 因為彤爸要我地等埋佢呀!!!

豬豬冇黎... 因為佢已經瞓左啦!!!

豬豬真係乖乖呀!!!  咁唯有下次先啦!! 

去到彤彤又要立即落地同瑤瑤玩呀!!

好鍾意玩瑤瑤架公主車...

不停推黎推去!!!

玩玩下又走去攬住瑤瑤鍚...

彤彤.. 你太熱情啦...

攪到瑤瑤都怕左你啦!!!

呢一晚, 我地又傾傾傾, 食食食...

望住呢兩個bb...  由初初大家瞓係道唔識玩到宜家大家有交流啦...

一切一切好似好快好快呀!!

真係好唔捨得佢地大得咁快呀!!!

下次雞雞同埋豬豬要一起再玩過呀...

睇下佢地四個點玩先!!!