病左

星期五 (3 July 2009)

除左出玫瑰疹同埋打針去睇醫生之外都冇試過病去睇醫生啦...

呢次彤彤真係病倒啦... 係有dd傷風...

有dd燒 (37.6). 有d咳, 好多tam係喉嚨, 有d肚潟... 好似係牙仔屎咁!!!

唔知係咪呢排天氣唔好...

出街就焗,入番室內又涷, 所以就係咁sip親啦!!!

睇左醫生..  傷風同埋躂牙...

開左3日藥... 有紅色 - 退燒, 棕色 - 該, 同埋綠色 - 化痰

醫生話好小事... 唔洗咁緊張... 唔緊張就假啦..  又唔係你照顧佢..

咁細個既bb病, 又唔識話邊道唔舒服..

雖然只係傷風不過見到都覺得佢地辛苦!!!

********

星期六 (4 July 2009)

媽媽放假, 不過成日係屋企陪彤彤...

已經冇晒燒啦!!!

謂口 - 對奶奶唔太好, 不過仍然肯食粥仔 

因為病, 所以食清d, 只係用清水煲粥, 加左少少節瓜同埋一個蜜棗...

雖然彤彤係病緊, 不過仍然係好動寶寶一名!!!

一樣冇時停... 不過好彩到瞓覺時間個陣都乖乖去瞓!!!

婆婆中段時間黎左一陣探下彤彤, 咁媽媽就可以休息番一陣!!

接近傍晚時份, 彤彤突然有鼻...

哎呀.. 真係失敗... 去睇醫生個陣忘記問佢要埋鼻水藥!!!

好彩上次個d重係道未過期.. 食住先...

彤彤唔係太喜歡食藥, 每次餵佢食藥都要博鬥一番!!

彤彤唔止你辛苦架.. 媽媽都好辛苦呀!!

你要快d好番呀!!!

**********

星期日 (5 July 2009)

媽媽要返工,  真係有d擔心..

因為彤爸好少會單獨一人照顧成日!!!

彤彤仍然有d鼻水同咳, 不過已經冇燒, 同埋冇乜痰啦!!!

不過為左有糧出, 老細要我地做乜都要做服從啦!!!

返緊工既媽媽, 接到唔少次彤爸既電話...

問:  食藥既針係邊呀...  幾點再食呀... 彤彤好咳呀...

呢d都唔算係大問題.. 最恐怖既就係: 

彤彤成口血呀! 　解會咁架... 咪就係玩玩下可能碰倒d牙仔啦.. 好彩冇事!!

彤彤呢日瞓緊覺都有咳... 同佢搽完vicks 好似舒服d...

屎屎重係瀉地既牙仔屎...

希望彤彤快d好番, 冇咳同埋收晒鼻水就好啦...

**********

星期一 (6 July 2009)

再去醫生道覆診...

因為彤彤有鼻水同埋重係咳緊...

醫生仍然係話好小事....

開左一隻咳+痰既藥水, 同埋一隻係收鼻水既藥...

食左藥瞓覺時重有D咳.. 不過少左好多啦..

至於鼻水收左DD啦.. 希望食多次可以收晒啦..

(如果係仙丹咪好啦.. 一食就可以冇事... ) 

食藥形式改左用匙餵.. 好似好左D..

不過一到食咳藥水個陣都係唔鍾意...

瞓覺情況好左D, 唔知係咪食左藥累,

放左佢落床仔就自己立即瞓... 連奶咀都唔洗要呀! 

見到咁細個既人仔病,  又唔識講 ... 真係覺得好辛苦..

情願自己病好過啦!!!

彤彤你要快D好番呀!!!

媽媽真係擔心你呀!!