7.1回歸慶典之碧波暢泳4小b

7月1 日 - 回歸假期.... 好野.. 今年終於唔洗返工啦...

咁我地今日又乜野做呢??

係33度既酷熱天氣警告下我地決定去游水啦..

好約埋豬豬, 肥瑤, 同雞雞出發去九龍仔泳池游早水!!!

呢次係彤彤同埋豬豬既第一次下水!!!

佢地兩個既表現都ok啦...

豬豬落水時有dd 驚驚, 不過之後都冇事啦..

而彤彤呢個爛玩百厭精就梗係唔怕啦!!

除左少少扭計因為眼瞓, 同埋條片片太重太脹既關係 (因為媽媽之前一晚收晚冇時間去買游水片片), 佢都玩得好開心呀!!!

瑤瑤就好叻叻呀.. 一d都唔怕,

我地用水淋佢都佢都唔怕...

而小雞就唔知係咪一去到仁哥同佢玩滑梯時嚇親, 所以有d唔開心呀!!

玩玩下見到Ryan哥哥呀... 不過冇同佢影到相呀...

因為Ryan哥哥好叻呀, 佢去左大人池游呀!!!

四小b終於可以齊人啦... 

大家一齊係道嬉水...

呢道好好玩呀.. 個bb池又大, 又有滑梯, 又有搖搖動物玩., 人又唔多, 真係幾好!!!

不過玩左大約1個鐘頭後泳池要清場走啦...

4小B坐定定比我地影相先...

好難得齊人呀!!!

不過點解個個喊晒口呀??係咪唔捨得呀??

答案係因為肥肥既彤媽原本坐左係呢個搖搖椅道,一起身就冇左d力, 咁個搖搖椅就搖搖下,所以嚇親佢地啦!! 真係唔好意思啦!! 　　

(知道啦, 知道啦, 我會減肥啦!!)

呢一次同埋bb出黎游水真係好成功同埋好好玩呀!! 

快d快d攪下一次啦!!

玩完水, 大家去左瑤媽鋪頭休息同埋食野...

彤彤同瑤瑤一回程已經累都瞓左啦...

豬豬就返屋企洗白白同食野,

只有雞雞最精神...

彤彤瞓左一個鐘倒就起身啦..

之後食粥仔..

Ryan哥哥原本係同佢媽媽去食泰國野,

不過去到門口時佢唔肯入去話要找彤彤妹妹,

所以佢地成家黎埋瑤瑤媽鋪頭一起食野啦..

不過點解彤彤係今日唔睬Ryan哥哥呀,

係咪因為雞雞係道呢?? 唉兩男一女.. 個嬲字呀!!!

食飽飽後各個bb都返屋企瞓覺啦!!!

而媽媽們就落左去九龍城買多d水上玩具下次游水用呀!!