好番d啦...

多謝各位既關心, 彤彤既病已經好番好多啦...

鼻水少左d, 同埋咳少左..

不過重仍然係好倦...

玩玩下自己都會爬係道休息...

面仔好慘, 因為食藥個陣發晒din, 所以佢自己抓刑面仔傷晒!!

原本已經唔係靚架啦.. 宜家重醜怪...

希望彤彤快d好番啦...

不過尋既唔知做乜, 彤彤瞓瞓下又突然燒番...

所以都要叫醒佢食藥... 又要戰鬥一番...

********

d藥既經食到差不多啦..

而彤彤都未好晒, 不過個樣好過前幾日好多啦...

只係面仔仍有d傷.... (好醜呀!!!)

媽媽決定帶彤彤去睇多次醫生...不過就唔係屋企附近個個...

呢個係醫院跟開彤彤個兒科醫生 - 陳醫生...

不過因為佢好多人, 我地個日又book唔倒先去屋企附近... 

不過唔得啦.. 想彤彤快d好番.. 咁我地都係去番呢個兒科道...

ee係出面等我.. 到彤彤佢地先入黎..

彤彤要磅左先..

因為呢次病,  而佢又唔肯食奶.. 所以輕左好多呀..

宜家係7.4kg...  

媽媽都冇晒辦法.. 一日都食唔夠200ml 奶..

水又唔肯飲... 點解.. 點算好.....

醫生話係傷風咳啦..

磅完又要探熱..

彤彤全程好乖呀.. 平時我地係屋企同佢探熱一定大叫..

宜家有姑娘同佢探熱.. 好乖坐到好定...

之後同佢度頭圍都好定.. 真係比佢激死...

醫生話彤彤冇乜事... 只係傷風同咳...

佢話bb過左6個月大後一定會病, 因為冇咁擴體...

開左3日藥.. 希望唔洗返去覆診啦!!!

返到屋企.. 餵彤彤食藥個陣佢都有掙扎,不過冇之前咁勁...

食左藥重肯飲小小水水呀...

瞓左一大覺之後, 起身好好多啦..

冇咁忟憎...  可能呢d藥好d..

因為之前屋企附近醫生叫彤彤食5ml.. 好似真係幾多.. 

問過venus姨姨, Ryan哥哥都係食2.5ml only 呀!!!

而佢d藥既味道有d似大人個d呀!!

陳醫生只係叫彤彤食2.5ml... 而d藥好似好味d, 所以彤彤都冇乜點大叫大喊... 

宜家希望彤彤快d 好番晒,

同埋最緊要係佢肯食番奶奶同埋飲水水啦!!!

******

PS.

媽媽一向好唔係好鍾意比有味道既飲料比彤彤飲,

因為怕佢以後只係喜歡飲有味野唔飲水...

不過因為唔肯彤彤唔肯飲水既關係,

媽媽終於放棄左呢個堅持啦,

走去買左一d bb麥茶同埋bb保廣力飲品...

希望佢肯飲啦...

媽媽真係好擔心呀...

因為只係食固體食物唔得架!!!