兩姊妹 (4.5 YRS & 8 MTHS)

唔經唔覺彤彤同妹妹相處左已經有8個月啦!!!

佢地相處成點??



well... 我知道其實由初初妹妹一返黎屋企既一刻佢已經唔係好開心啦!!!

唔開心但又唔代表佢唔鍾意妹妹喎...

可能屋企突然多左個人佢怕失寵啦!!!



4歲人仔既彤彤, 話大唔大, 話細唔細....

本來萬千寵愛既... 一下子又多了一個叫妹妹既返黎...

咁你話佢怕唔怕地位不保呀??!!

彤彤既心理變化 媽媽係睇到架..

亦好快會惡化 ...

所以之前我都做好準備, 有晒心理負導....

買左有關家中多左妹妹既故仔書啦,.

日講夜講第日妹妹出生左之後點啦...

同幼稚園老師單左聱啦...

同彤彤討論之後既角色等等 ... ...

不過講還講, 即係我地既讀書講既theory 同實行又係另一回事呀!!!

彤彤頭個幾個月係naughty 左架..

專登嘈妹妹啦...

專登做d衰野引你注意啦!!!

4歲呢個age有d煩...

佢地既自我好強,

所以媽媽都用左好多時間clam彤彤down ...

又要多謝學校老師既幫助, 令佢了解到有妹妹係件開心事.... 

係呢幾個月要做到平衡 ....

要令彤彤知道自己大左, 爸媽要放手等佢自己學習自立...

同埋自己既status唔同左... 係家姐仔... 要叻d , 乖d... 因為好多野妹妹都會睇佢架...


除左呢d... 最重要既就係唔好比一d唔好既說話佢...

eg. 妹妹乖過你呀.. 你好naughty ... 我地同妹妹玩唔同你玩啦.. 等等...

在家容易, 出街難...

好難control 到人地把口!!! 

其實彤彤內心係好like 妹妹架..

之前佢見到其他人既bb佢都想同佢地玩照顧佢地架...

不過個bb宜家係自己屋企既妹妹, 都要一段時間比佢適應!!!

而妹妹呢....

佢好愛好愛呢個家姐...

一見到家姐仔在家走來走去時, 妹妹既視線一直係彤彤身上..

見到彤彤走埋黎佢就笑啦!!!

妹妹宜家重未懂事, 未會同家姐搶玩具...

希望到時識玩既時候不會搶 ....

因為妹妹都似一個惡人架!!!

希望彤彤快d懂事,

快d學懂做番一個又乖又體貼既家姐仔!!!

而妹妹就要乖d, 聽家姐仔既話,

學做好bb!!!

兩個要相親相愛呀!!!