Beatrice & Albert's Wedding

又係一日跑兩場...

我地晚上同彤彤去左契媽細路既婚禮...

因為唔想彤彤係婚禮道出醜, 所以我地一定要彤彤瞓足覺先出發...

又因為要等彤彤起身.. 我地又miss out 左佢地簽紙既一刻!!!

不過我地都準時去到會場!!!

嘩..會展呢個場真係好大同埋好靚呀!!!

我地坐既位置亦好近個台, 好清楚可以睇到晒所以表演...

佈置好靚亦好有心思...

每一張枱既枱號都有張唔同既相呀!!!　好特別呀!!

呢d相重係佢地一班年青人自家製作架!!!

同一般既飲宴唔同,

呢個飲宴真係令我贊不絕口!!!

一d悶場都冇,

有好多自家製作video...

最自己出生既地點, 再講到佢地既屋企人, 到佢地覺得對方點樣,真係對佢地了解多左...

拍攝既手法亦都好吸引, 真係好好睇...

Albert 重表演左自彈自晒比Beatrice聽...

不過係演奏之前佢又拍左一個video記錄左佢學彈既經過...

真係好感動呀!!!

除左呢個驚喜, 重有多個架!!!

就係呢一對新人為左回饋賓客佢地特別練左part拉丁舞表演比我地睇!!!

又係拍埋video比我地睇埋佢地呢半年練舞既經過!!!

有d似舞動全城呀!!

不過係咁短既時間可以學會呢一part舞佢地真係好勁!!!

成個婚宴都好有心思!!!

呢個係我去過咁多個飲宴最最最好既一個!!!

而彤彤又點呢??

好彩好彩媽媽迫佢瞓左一大覺所以表現都好ok!!

只係都左尾聲先要落地,

重要係個台上面走來走去, 吸引左婚禮既攝影師不停同佢影相!!!

所以彤彤同我地一樣都好開心呀!!!

好多謝一對新人比左個咁開心既晚上我地.....

係呢道我地再次祝願一對新人開開心心, 甜甜蜜蜜, 三年抱兩 ....  !!!