重陽節 - BBQ

趁住天氣唔係太熱又唔係太凍, 我地約埋3b一起去bbq呀!

因為唔想BB坐咁遠車程, 所以我地近近地係市區BBQ啦!!

呢一日既地點係菲律賓會...

呢道環境唔錯架...人又唔多, 又見唔倒高樓大大廈, 真係鬧市中既一個森林!!!

今日既成員除左有豬彤瑤雞外, 重有悅家 - 悅悅姐姐呀!! 

悅悅姐姐2歲, 識好多野呀, 又乖又聽話!!!

又會照顧我地D BB ...

唔知我地D BB出年係咪會好似悅悅姐姐咁呢??

彤彤都好鍾意同d大過佢既姐姐玩架..

成日走去攬住人地...

呢道燒野食既時間係5pm - 8pm, 

食野同埋飲野都係無限量供應架… 都幾好架..

呢道既燒烤形式係用個夾夾位自己燒.. 

咁都好架.. 因為對住我地呢d湊住bb既人黎講,

拎住支差燒野食係有一d難度架.. 

所以唯有要爸爸們不停燒野比媽媽們食啦... 

呢道既食物種類都算多,

不過我地燒燒下發現原來自己可以bring野入黎燒架..

因為見到隔離個d人帶左D大蝦, 大蚌黎... 如吸引呀!!

下次自己帶D去先..

食飽飽, 小朋友放電時間到啦… 

我地去左上面個草地滾場邊既空地玩… 

如果可以入去個草地玩就好啦!!!

不過呢道因為人又唔多, 所以冇草地佢地都可以不停行行行呀!!

最辛苦係行樓梯... 真係腰骨都送埋比佢地..

呢一日, 重有一件有趣事發生...

仁哥入左D水入去D飲品樽成功地騙左3個唔肯飲水水既小朋友...

睇下仁哥既樣幾奸...

不過小朋友們又飲得幾開心喎....

勁.. 仁哥, 你果然有一手呀!!!