中秋＋婆婆生日飯 @ 源澗

中秋節正好撞正婆婆生日,

咁婆婆就話就不如食番餐好架啦!!

我地呢一晚去左食日本菜 ~ 源澗

但係好多熟識我地既朋友都會問: 

婆婆食素架... 食日本菜有乜野食呀??

今日係中秋節8月15喎... 你地都係食素架...食日本野好唔抵架!!!

Well... 我地今晚係食日本既素食懷石料理呀!!!

呢個餐單係志雲飯局都有介紹過架!!!

婆婆, 舅父同埋我就食陳志雲果個素食既懷石料理...

而彤爸就食左莫醫生推介果個正常既懷石料理...

有好多道菜架, 而且樣樣都好好食呀.....

首先介紹下素食懷石料理啦...

過最好味既就係呢個佢地自家製既豆腐同...

真係冇食過d豆味咁濃既豆腐呀!!!

而正常果個懷石料理雖然冇素食咁多道菜,

不過都好豐富同埋好好味架!!

彤爸佢話最好味既係海膽 - 好大件, 好肥美, 同埋好新鮮...

重有就係好大隻既長腳蟹...

真係好大隻腳... 足足有成隻手咁長呀!!!

魚生又好新鮮...

重有就係好大隻既長腳蟹...

真係好大隻腳... 足足有成隻手咁長呀!!!

密瓜係超甜!!

呢一餐真係好好味... 亦好金呀!!

不過婆婆話過時過節同埋彤爸同佢都生日冇所謂啦!!!

而且一家人可能坐埋一起食飯真係好難得架!!!

***********

後話:

彤彤係餐廳道好似親善大使咁不停行來行去同d waiter 姐姐& 壽司哥哥打招呼...

記得上年既中秋, 媽媽重係坐緊月所以唔出得去做節...

彤爸買外賣屋企黎做節....

買既係日本野... 不過我都係睇得唔食得生...

呢一年, 彤彤大個左可以同埋我地一起出外做節...

雖然佢都唔啱食D野... 不過都可以同我地坐同一張枱!!!

食飽飯飯餐廳重送左個月餅比我地呀!!

中秋節雖然冇去玩花燈,

不過食左好豐富既晚餐... 好開心呀!!!

多謝婆婆呀!!!